Mliaa -duuˈˈ ɲʋn an za ˈˈbun tʋvɔɔndhɩ aˈ dɩ: Dhɛwɛ- ɛɛ po ˈo -ɛ?

ˈGhwɛi ɲʋn an za kwai tʋ aˈ dɩ ɩn -diɛˈˈ.

• “ˈGhwɛi ɲʋn an za kwai da ˈbhlʋa aˈ klɛɛ ˈˈkpe tʋ aˈ dɩ ɲnin dolaa aˈ mlia 2.200 ˈmɛn.”—The Washington Post, Zivʋɔcʋ- 13, 2024.

Ɛ se ˈghwɛi aˈ ˈsʋ tʋ a za ɲʋn ˈkwa -nɩn. Dhɛ -ɛɛ toɛ -ɛ ka: Tʋ -a ˈkpaa ˈdhe Iklɛnɩn.

• ˈSʋlɩˈˈ. ˈSɛɩjhibhoʋn- -ˈnʋʋn ˈnaan, tʋ -ˈnʋn -ʋan- nʋan -zɩn ˈsɔɔn bhla a, ˈsʋlɩˈˈ aˈ 500.000 ɲʋn dhbhaˈ -aeˈˈ -ʋʋ -pʋʋa-.

• Ɲʋn sea ˈˈsʋlɩˈˈ -nɩn. ONU ˈnaan an, ɲʋn an 28.000 -ʋʋ ˈmɛn -aeˈˈ -ʋʋ -pʋʋa-. Dhɛ ONU anˈ klaaˈˈ dhueˈ ˈkmʋan -mɛn -nɩn: “Ɲʋn tʋ -ˈnʋn ˈkpai ɛ, ɲʋn se ˈbhɛɛ- ɲʋn ˈyʋbʋ zro.”a

ˈKledɩ- tʋ a za ˈˈbhlo da ˈbhlʋa aˈ klɛɛ ˈˈkpe ɛ, ɩn -diɛˈˈ.

• Mliɔn ɔnˈ 114: Ɩmɩn- ɲʋn -za kwai -wɛeˈ ɲʋn ˈˈdu ɲʋn plea tʋ -e ɲʋn ˈˈkudhbha- ˈkpa i da ˈbhlʋa aˈ klɛɛ ˈˈkpe aˈ dɩ. Ɛmɛn- ˈtmʋɛn- ˈdhe 2023 anˈ ˈˈGulacʋ- ˈˈzaan ˈdhi.

• Mliɔn ɔnˈ 783: -Ʋaˈ ˈjhe dhɛ ˈˈkai -ʋaˈ dhiɛ. “Tʋ -mʋn -ʋan- za ˈmeɛn- ˈˈbhlo gblein ˈnɔn ˈkmʋn. ˈˈBho ɲʋn anˈ 100 ˈˈkpe ɛ, ɲʋn anˈ 70 ˈmeɛn ɛn ˈkpai ɛ, ʋʋ -nɩɛn- ˈbhlʋɩ- tʋ -e ˈˈkubhbhaa- nɩan ˈdhii.”—Programme alimentaire mondial.

Nɔnˈˈ ɔn muɛn ˈo -ɲnin -wɛeˈ tu ˈye i -gwɛ -ɛ? ˈFlɛ ɛ muɛn -nɩn ˈmɛn -zɔn dhueˈ da ˈbhlʋa ˈˈkpe? Nɔnˈˈ ɔn muɛn ˈo -ɲnin -wɛeˈ ˈmeɛn- -e -neanˈ ˈse -nɩn in ˈbhodhe da ˈbhlʋa aˈ klɛɛ ˈˈkpe? Dhɛwɛ- Biiblʋ a ˈtmʋn -ɛn?

Tʋ aˈ nɔnˈˈ

Biiblʋ ˈtmʋɩn -ka tʋ a muan i -gbaa. ˈˈƖpoodɩ- ʋan jhiia i -wɛeˈ ʋan ˈtmʋanˈ tʋ aˈ dɩ ɛ, ɛ nɩn tʋvɔin- nɩan ˈo -srooˈˈ- ˈˈkpe ɛ.

• “ˈSʋ -Srooˈˈ- -ˈnɔɔn ˈdaanˈ, ɔ zainˈ -ka nainˈ -bii nɩan. ˈˈJhu dea i ˈbho ɔ ˈˈkpe ɛ, ʋʋ ˈˈɲɩɔnˈ ˈˈɩkmaan -wɛeˈ ɔ ˈye ˈflɛ da ˈbhlʋa ˈˈkpe -za, -wɛeˈ ɲiɔbʋ ˈye bha ˈdhbha. Ʋʋ ˈˈɲɩɔnˈ -blajrɛn -klaaˈˈ.”—Révélation 6:4.

ˈBho -srooˈˈ- -ˈnɔn ˈdhe ɛ, -sreeˈˈ- ˈsɔɔn -ˈnɩɩn jhi. Ɩn ˈdha ˈmeɛn- -e ˈmɛanˈ, ˈghwa -aeˈˈ dhɩ -ˈnɩɩn -za ˈˈbhlo ɛ. (Révélation 6:5-8) -Bho -ˈye dhɩ -duuˈˈ i ˈŋwɔn ˈdhe ɲanzaadɩ -ˈnɩn anˈ dɩ ˈdhi ˈˈdhe -bho -ˈyeɛ -gwlɩˈˈ de -ka ɩan ɲnian ˈo ˈzɩan ˈnɔn -aaˈ nɔnˈˈ ɔnˈ, -mɛnˈ zro ˈcɩaandhɛ- “Les cavaliers de l’Apocalypse: qui sont-ils?”

ˈFlɛ ɛɛ muɛn in -nɩn ˈdhe nɔnˈˈ -dhɛ ˈˈzaan ˈdhi

ˈDhe nɔnˈˈ -dhɛ ˈˈzaan ˈdhi ɛ, ɲʋn ˈse ˈbhlʋa aˈ ˈˈghwlii- i -jhii dhɩ tʋ aˈ sɩn ˈdhei -de dɩ. -Bho ɛ -nɩanˈ -mɔnˈ -dhe ɛˈ, ɛ se -glɔɲiɔn -ˈyeɛ nʋn -wɛeˈ ɛ ˈye ˈo ɲnin -nɩn. Biiblʋ ˈnaan:

• Ɲɔnsoa a muɛn “tʋ i -za da ˈbhlʋa aˈ klɛɛ ˈˈkpe.”—Psaume 46:9.

• Dhɩsaɩn tʋ a za ˈˈbhlo ɛ, Ɲɔnsoa a muɛn -nʋn i ˈye i -gwɛ. “Ɔɔ mubʋ ˈˈmiinin anˈ klɛɛ ˈˈjhri i ˈsran-, ˈmɛanˈ ˈse -nɩn in ˈbhodhe, ˈˈdhe ˈkwɛ ˈse ˈghwlʋ i ˈbhodhe, zrɛ -e -pɛɛ ɛˈ ˈˈghweeɛ- ˈse -nɩn in, dhɛ nɩan ˈo ɛ, dhɩ kɔan ɲan -ˈmɩn -sɔn in.”—Révélation 21:4.

• Ɲɔnsoa a muɛn -nʋn ɲʋn anˈ klɛɛ ˈye ˈflɛ sea -gwɛ da ˈbhle ˈjhe. “ˈMan ˈcɛ ɛɛ muɛn -da nɩan ˈflɛ ˈmʋn in ˈˈti-, ʋa muɛn ˈˈgbi nɩan -gwlɩˈˈ -de ka -e da nɩan ˈtɩɩn ˈˈti-.”—Isaïe 32:18.

-Bho -a -ŋmʋn Biiblʋ aˈ ɲanzaadɩ jha aˈ, tʋ -e dhɩ -ɩan- nʋʋan ˈzɩan an toɛˈ -ka ˈflɛ -ˈnɛn ɛnˈ nɔnˈˈ ɔn ˈˈkʋʋan in.

-Kawɛ Ɲɔnsoa mun ˈflɛ ɛˈ -jha sʋn nʋn da ˈbhlʋa ˈˈkpe -ɛ? Ɔɔ muɛn -nʋn ˈdhe ɔɔˈ -glibha nɩan ˈe jhaʋn -aeˈˈ ˈBheɔglɔ ɔˈ ˈsaa ˈmʋn. (Matthieu 6:10) Dhɛ ˈBheɔglɔ- -ˈnɔn ˈdhaa -e ˈjɛɛn ɔ ˈbhɛɛa ɔ ˈyea -ʋn ˈˈdhrui nʋn -bho -ˈyɩ jhibho- ɛˈ, -mɛnˈ -ˈjhe -Ɛ -nɩn Ɲɔnsoa aˈ ˈBheɔglɔ -ɔ? i