Aʋ ˈsroo- -gwlɩˈ i aʋ -saˈ ˈe ɛntɛnɛtɩ ɛˈ ˈˈklɛ ˈdhi ˈkpa

DHƐƐDƖ- Ɛ -KƆNDƖ -Ɛ: Ɛ -tɔˈdɩ- ɛntɛnɛtɩ ˈbhɛɛˈ ɛ ˈye -aʋ sʋn bho po ˈdhe dhɩ -duuˈˈ ˈdhi ˈklaa ɛ ˈbhɛɛˈ ɛ ˈye -aʋ dhɛsaʋn ˈˈdhru i nʋn -ke. Kletiɛn -ˈˈwe -ˈnʋʋn ˈse ˈbɔn ʋʋ ˈye ˈbho ɛ ˈˈkpe mun. -Dhee -ˈnʋʋn an mun ˈo ˈmɛn -wɛeˈ ʋʋ -nɩn ʋaˈ ˈcɛ -e dhaiˈˈ -ˈˈwe ˈye ghlu bho poo-. Satan an ˈbɔn -a ˈse -gwlɩi -sroo i ˈbho ɛntɛnɛtɩ ˈˈkpe -wɛeˈ ɛ ˈye -aʋ ˈkledɩ ˈˈdhru -jha ˈˈdhe -aaˈ ɲɔnsoadhɛ ˈye ˈkɔ. -Ka Zezi nʋan, -a ˈbhɛɛˈ -a -ˈye ɲɔnsoaghlu aˈ ˈsrɩn i-jhii ˈˈdhe -a ˈse ˈe ˈˈklɛ -ˈnɛn ˈdhi ˈkpa i.—Lk 4:4, 8, 12.

ˈˈKLƐ -A ˈSEA ˈE ˈDHI ˈKPA I Ɛ:

• Nɔnˈˈ -duuˈˈ -nʋɛn- ˈbho ɛntɛnɛtɩ ˈˈkpe. -Bho -aa sa nɔnˈˈ -duuˈ nʋn ˈbho ɛntɛnɛtɩ ˈˈkpe ɛ, ɛɛ muɛn -nʋn -a ˈse nɔnˈˈ ˈbhle - -wɛeˈ -a -ˈye Zoova aˈ dhbho nʋn.

  Biiblʋ aˈ ˈsrɩn: Ɛf 5:15, 16 -e Fil 1:10

• Dhɩsaɩn anˈ iˈjheɛ-. -Bho -aa sa fete -saɩn iˈjhe ɛˈ, ɛ ˈbhɛɛˈ ɛ ˈyeɛ nʋn -a -ˈye pɔɔno iˈjhe ˈˈdhe -bho ɛɛ sa ˈo ˈbhɔɔ -a -ˈye ˈe ˈɲnɩnzanˈ- ˈdhi ˈkpa. ˈBho ɛ ˈdhe ɛ, ɲʋn -ʋʋ -pooa ˈzɔn ˈdhe -glibha ˈdhi ˈdhe -ʋa ˈtmʋan -glibha aˈ dɩsaɩn ɛn, -bho -aa sa ʋaˈ ˈsɩbhɩ ˈdhii zro ˈbho ɛntɛnɛtɩ ˈˈkpe ɛˈ, ɛ ˈbhɛɛˈ ɛ ˈye -aaˈ dhɛgwlɩdeɛ ˈkɔɔ-.

  Biiblʋ aˈ ˈsrɩn: Mt 5:28 -e Fil 4:8

• Fete -saɩn -e ghlu -saʋn -poɛ. Ɲiɔn ɔnˈ -pɛɛ ˈbhɛɛˈ ɛ ˈyeɔ ˈˈsrɛ i -poo ɔ ˈye fete -saɩn ˈbho ɛntɛnɛtɩ ˈˈkpe po ˈˈdhe ɔ ˈye ghlu -saʋn po -ke ˈbho ɛ ˈˈkpe. Ɛ ˈbhɛɛˈ ɛ ˈye ɲɔn ɔnˈ ɲɔnsoadhɛ -e ɔɔˈ ˈɲnɩn ˈkɔɔ-.

  Biiblʋ aˈ ˈsrɩn: Wl 14:13 -e Ɛf 4:29

-ˈJHE VIDEO ˈSROO- -GWLƖˈ I ˈBHO ƐNTƐNƐTƖ ˈˈKPE I, -ˈMƐN -JHII FETE NƖN IN -WƐEˈ -KA -ˈYEA NƲN ˈˈDHE ˈSEA ˈE ƐNTƐNƐTƖ Ɛˈ ˈˈKLƐ ˈDHI ˈKPA I Ɛ, -ˈYEƐ ˈCRE: