TÄRÄKWATA JA TÖTIKARA

KUKWE JA TÖTIKARA

▪ Mäkwe ñäkä Bibliabätä ne kwe kukwe kwin rabadre mäkwe

▪ Biblia yebiti ja dimikadre aune ni mada dimikadre

Pablokwe tikabare “Ngöbö Kukwei abko nire amne dite” (Heb. 4:12). Ja tötikadre kukwe yebätä aune dre drieta ye ererebätä ja ngwandre angwane ye aibe köböire kukwe kwin rabai nikwe. Kukwe ja tötikara nekänti mikai gare nie, ja tötika raba ño Bibliabätä aune dre nuaindre, ne kwe kukwe Ngöbökwe ni dimikadre kukwe driere aune nüne kwin ye rabai gare nie.

▪ Dre dre bäri ütiäte rabadre gare nie

▪ “Ni ñan rabadre dräre”

Juta ükaninte Ngöbökwe ye ngätäite nita ye abokän kukwe utiäte tä nikwe, ¿juta Ngöbökwe tä sribi nuainne yebe ni raba sribire ño gwairebe kä nengwane? ¿Dre ni dimikai näin jankunu ben aune ñaka di nekä? Kukwe ye mikai gare jai ja tötika nekänti.