Gätä kri Köbömä nitre Testiko Jehovakwe kwe kä 2009
1. a) ¿Ni kwain gätä kri köbömä yebätä angwane dre dre kwin rabai nikwe? b) ¿Dre dre nuaindre biare nikwe?
1 Ni jökrä tä gätä kri köbömä kä 2009 ngübare kä jutobiti, köbö ye ngwane kä rabai nie kä ngwankäre juto jabätä nitre mada Jehová käikitakaka yebe, “tätre kukwe ja üaire ribere jai” ni erere arato (Mat. 5:3). Köbö Jehovakwe nibira nökrö ja ken ye medenbätä, ütiäte krubäte ni tädre köbö köbömä ye näire, ne kwe nikwe kä ngwandre juto jabätä ja mräkätre kristiano yebe bätä kukwe ja üaire yebiti ni dimikadre tödeka nikwe mikakäre dite (Sof. 1:14). Gätä kri yebiti nita Ngöbö mike täte ye rabadre gare nitre dirikä kwelate bätä patron yei. Mäkwe ja di ngwan köbö denkä jai köbö ye känenkri aune Jehová käkwe mä di mikai ye ie tö ngwan mäkwe (Isa. 50:10).
2. Ni nübai ñaka gätä kri juta keta kabre kräke känti akwa ¿dre dre rabai gätä mada krikri yete abokän käkwe kä mikai juto nibätä?
2 Gätä kri juta keta kabre kräke. Gätä kri juta keta kabre kräke nuaindi kä aune juta braibe känti, ye medenbätä nire nire nübaibare ye aibe rabadre kwen gätä yebätä. Ütiäte krubäte ni jökrä rabadre nitre dimike kukwe nebätä ne kwe ni ñaka rabadre kwati krubäte ju gätä kri nuainkrä yekänti gäre (1 Cor. 14:40; Heb. 13:17). Akwa, nitre misionero bätä nitre sribikä Betel juta mada känti bätä ja mräkätre kätä ja mike sribikäre juta keta kabre känti, ye kwain gätä kri ruäre yebätä juta kwe yekänti, ye medenbätä gätä mada krikri kwati ye rabai gätä juta keta kabre kräke ye erere arato.
3. ¿Nitre ruäre konkrekasion nikwe känti tare nikwe ye ni raba bämike ño?
3 Mäkwe nitre mada dimika kwen gätä kri yebätä. ¿Ni tärä ruäre konkrekasion mäkwe yete abokän tä ja di ribere nänkäre gätä kri yebätä? Mäkwe mä mräkätre dimika angwane, “mä ñaka töbika kukwe mäkwe ye aibebätä, ñakare aune mätä töbike kukwe nitre madakwe yebätä” ye bämika mäkwe (Fili. 2:4).
4, 5. Kukwe madabätä ni ñaka rikadre gätä kri konkrekasion nikwe yebätä angwane, ¿dre dre nuaindre nikwe?
4 Kukwe raba nemen gare ño nie. Mäkwe ñäkä käne täräkwata La Atalaya 1 marzo kä 2009 yebätä o mäkwe blita ni kukwe konkrekasionte tikaka yebe köbö bätä kä meden känti gätä krikri nuaindi ye ngwantarikäre, ne kwe ñaka ñäkädre teléfono yete surkursal yei gäre.
5 Mä ñaka kwain gätä kri konkrekasion mäkwe yebätä angwane, mä raba tärä tike nitre ju känänkä yei Hotel känti ni raba niken nieta ye täräi käräkäre ie; kä medenkänti ye tikani täräkwata Solicitud de alojamiento para los que tienen necesidades especiales kä yekrä yebätä. Täräkwata ye rukai nitre kukwe konkrekasionte tikaka yei. Kukwe ye mikadreta gare mäi gäre, mäkwe estampillas ye ketaka sobre tärä juana yebätä, aune kä medenkänti ye mäkwe tikabätä arato.
6. Ni kukwe driekä iti törbadre kä känämanain jakrä ye ngwane ¿dre nuaindre?
6 Ja mräkätre tö kä känämanain jakrä. Ni kukwe driekä iti törbadre kä känämanain jakrä angwane, ni ye tä kwin ja üaire o ñakare, ye nitre sribi konkrekasionte jie ngwanka käkwe mikadre gare kwin jai ne kwe formulario Solicitud de alojamiento para los que tienen necesidades especiales ye biandre kwe gäre. Nitre umbre Sribi Ngöbökwe jie ngwanka konkrekasionte käkwe ñäkäi kukwe ükaninte täräkwatabätä yebätä aune tärä tikani nitre umbre jökrä ie köbö 14 diciembre kä 2008 yete yebätä arato, juandre ni kukwe konkrekasionte tikaka käkwe nitre ni Käi känänkä yei känenkri.
7. ¿Nikwe ja ükaite gätä kri köbömä kä 2009 yekrä angwane drebätä töbikadre metrere nikwe?
7 Ja ngwandre kwin Ngöbö käi kitakakäre. Nikwe ja ngwandre Ngöbö üai kätä ni töi mike ye ererebätä kä jökrä ngwane, blita yebiti metrere bätä ja ngwanbätä kwin nitre hotel känti bätä nitre mada nünanka juta yekänti yebe, juta Jehovakwe kätä ja ngwen bäri kwin ye medenbätä ñaka nitre mada ngoto ngwandre ritekä (1 Cor. 10:31; 2 Cor. 6:3, 4). Gätä kri köbömä kä 2009 ye näire ni jökrä rabadre bätä ni itire itire käkwe ja ngwandre kwin Ngöbö käikitakakäre (1 Ped. 2:12).
[Rekwadro de página 5]
Hora kukwe kädriedre yekrä
――
Jueves
(Gätä kri juta keta kabre aibe kräke)
1.20 nemen 4.55 dere
Viernes bätä sábado
9.20 dekä nemen 4.55 dere
Domingo
9.20 dekä nemen 4.00 dere
[Rekwadro de página 6]
Kukwe mikata gare kwarto känän yebätä
◼ Kwarto te mä rabai ye aibe dianka mäkwe jakrä, aune ñaka ni mika kwati krubäte kwarto yete.
◼ Mä ñaka rabai kwarto yete angwane, mäkwe mika gare jötrö ngwarbe, hotel yei o nitre kä Känänkä yei.
◼ Ju känäin gätä kri ye aibe kräke.