Kukwe ükaninte bämän 19 noviembre kräke
BÄMÄN 19 NOVIEMBRE
Kantiko 31 bätä orasion
□ Ja Tötika Bibliabätä Konkrekasionte
my 11, 12 aune kukwe 2 (30 min.)
□ Kwela Sribi Ngöbökwe Kräke
Ñäkätä Bibliabätä: Abdías 1 nemen Jonás 4 (10 min.)
Núm. 1: Marcos 14:1-16 (4 min. o bäri chi)
Núm. 2: ¿Ni brukwä rabadre kukwe meden kräke ne kwe Satana kätä ni nuinte ye nikwe ñaka nuaindre? (gf k.j.t. 14 párr. 1) (5 min.)
Núm. 3: ¿Ñobätä Jehovata ja tare nikata ye tuenmetre raire krubäte? (bh kap. 11 párrs. 15-18) (5 min.)
□ Gätä Sribi Ngöbökwe Nuainkäre
15 min. Kukwe driekä ribeta bäri yekänti nire nire tä niken ye kräke Jehová tä kukwe kwin mike nemen bare. Kukwe kädriedre nitre ja ükaninkrö ben dianinkä Anuario 2012, página 114, párrafo 1, nemen página 116, párrafo 1; página 153, párrafo 1 nemen 3, aune página 169, párrafo 2, nemen página 171, párrafo 3. Kukwe ye tä dre driere ja töi kräke nie ye mäkwe nitre ja ükaninkrö nübai niere.
15 min. “Kä jürä mäbätä yei mäkwe ñaka ja ganaimana.” Kukwe ngwandretari aune nitre käkwe niedre. Ni itibätä kä jürä o ñaka ja tötikabare krubäte kwelate kwe abokän tä ni mada tötike Bibliabätä yebe mäkwe blita jötrö ngwarbe.
Kantiko 26 bätä orasion