Kukwe ükaninte bämän 13 mayo kräke
BÄMÄN 13 MAYO
Kantiko 1 bätä orasion
□ Ja Tötika Bibliabätä Konkrekasionte
my 51 (30 min.)
□ Kwela Sribi Ngöbökwe Kräke
Ñäkätä Bibliabätä: Juan 5-7 (10 min.)
Núm. 1: Lucas 20:9-18 (4 min. o bäri chi)
Núm. 2: Kukwe ngwantarita käre orasion yebätä (bh kap. 17 párrs. 9-15) (5 min.)
Núm. 3: ¿Ñü Kri ye kätä dre mike gare nie? (ll págs. 14, 15) (5 min.)
□ Gätä Sribi Ngöbökwe Nuainkäre
10 min. ¿Dre driedi mayo aune junio yebätä? Kukwe kädriedre. Täräkwata kia driedi mayo aune junio ye ñobätä raba nemen tuin kwin nitre ie ye mäkwe mika gare. Kukwe bämikadre keteiti o ketebu, känti ni kukwe driekä tä kukwe driere ju ju te ye ngwane täräkwata kia ye kati driedre ño abokän bämikadre kwe.
10 min. ¿Tä dre driere ja töi kräke nie? Kukwe kädriedre nitre ja ükaninkrö yebe. Ñäkädre Mateo 5:11, 12 aune Mateo 11:16-19 yebätä, ye bitikäre bersikulo ne raba ni dimike ño kukwe driekäre ye mäkwe ngwantari nitre ja ükaninkrö yei.
10 min. “¿Dreta ni töi mike kukwe driere?” Kukwe ngwantaridre aune nitre käkwe niedre.
Kantiko 51 bätä orasion