“Mäkwe tärä tikwe kai ngäbiti ngwane tibike mäkwe kain ngäbiti”
Nitre ruäre ñaka tä tärä o täräkwata nikwe kain ngäbiti, ni ñaka tä kwetre kain ngäbiti ngwane. Akwa nitre kukwe madabätä tä tärä keta kabre sribere yebätä kukwe ngwarbe drieta, ye medenbätä ni ñaka rabadre kain ngäbiti. Törbadre ni tuai tärä kwetre ye kain ngäbiti angwane, ¿töi kwinbiti nikwe dre niedre ietre? (Rom. 1:25.) Ni raba niere krörö: “Mä töi kwin krubäte, akwa ¿tärä mäkwe ye tä blite drebätä? ¿Nita ja tuin kukwe kri ben abokän ükadrete yebätä tä dre niere? [Mäkwe tuanmetre blite. Tärä kwe yebätä mäkwe ñäkädre kukwe ye mikakäre gare jai niedre kwe mäi angwane, mäkwe tärä o täräkwata driebare ie yebätä dre mikata gare ye mäkwe niebare ie ye mäkwe ngwan törö ie. Biti mäkwe ñäkä Mateo 6:9, 10 yebätä.] Bersikulo yebätä mikata gare ye erere, Gobran Ngöbökwe köböire Ngöbö töita dre nuainbätä ye mikai nemen bare Kä tibienbätä driebare Jesukwe. Yebätä, Gobran Ngöbökwe kukwe ütiäte nuaindi ye tärä o täräkwata meden tä mike gare ye aibebätä tita ñäke. ¿Gobran yekwe dre dre nuaindi ye ti raba mike gare ruäre Bibliabiti mäi?”.