14-20 JULIO
PROVERBIOS 22
Kantiko 79 bätä orasion | Kukwe niedre kena (min. 1)
1. Kukwe kwin monsotre tötikakäre
(min. 10)
Munkwe monsotre kita ja tuakäre kukwe tare yebe (Pr 22:3; w20.10 27 párr. 7).
Monso tä därere yete ja käne diridre ietre (Pr 22:6; w19.12 26 párr. 17-19).
Mäträdre monsobätä ngwane nuaindre ja tare yebiti (Pr 22:15; cl-S 100 párr. 10).
2. Perla ükani känändre
(min. 10)
Pr 22:29. ¿Sribi ruäre nuainta konkrekasionte ngwane proverbios ne mika raba ño täte aune dre kwin rabai nikwe? w21.08 22 párr. 11).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 22:1-19 (th kukwe ja tötikara 10)
4. Blita kömikakäre
(min. 3) JU JU TE. (lmd kukwe ja tötikara 5 punto 4).
5. Blita kömikakäre
(min. 4) KUKWE DRIEDRE KÄ JÖKRÄ NGWANE. Kukwe ruäre raba nitre rüne dimike ye raba känene ño jw.org yete ye mikadre gare ie (lmd kukwe ja tötikara 1 punto 4).
6. Kukwe kädriedre
(min. 5) w24.12 16, 17 párr. 9-13. Kukwe: Dre kwin aune dre käme ye mikata gare Bibliakwe ye driedre (th kukwe ja tötikara 20).
Kantiko 134
7. Monsotre ngübadre bätärekä akwa ñaka tuenmetre kukwe jökrä nuainne
(min. 15) Kukwe kädriedre nitre ja ükaninkrö yebe.
Monsotre ngübare bätärekä ye nitre rüne tä ribere krubäte jai. Monsotre tä töbike ño ja ruin ño ietre yekäre nitre rüne ye tä kä denkä niaratre aibe kräke aune ñaka kukwe mada mike ja kisete (Dt 6:6, 7). Monsotre tä töbike ño aune ja ruin ño ietre yekäre nitre rüne rabadre kukwe ngwentari ietre aune kukwe nuin kwekebe töi gakäre aune dreta brukwäte ye mikakäre gare jai (Pr 20:5). Ruäre ngwane monsotre ie kukwe nie tärä akwa niedreta ie bobukäre tädre ribere jai kukwe rükadre gare aune mikadre täte kwe yekäre.
Nitre rüne tädre monsotre kwe ngübare bätärekä ye ñan aibätä tätre tuenmetre kukwe jökrä nuainne. Nitre rüne rabadre kukwe ruäre ñäkäire monsotre ie aune kukwe ñaka kwin nuaindre kwetre ngwane, rabadre mäträre bätä sribi ye Jehovakwe mikani kisete (Pr 6:20; 23:13).
Ñäkädre Efesios 4:31 yebätä. Kukwe ngwandretari nitre ja ükaninkrö ie:
¿Nitre rüne tä rubun krubäte ye ngwane ñaka mäträdre monsobätä kwe ye ñobätä kwin?
Ñäkädre Gálatas 6:7 yebätä. Kukwe ngwandretari nitre ja ükaninkrö ie:
Monsotre ñaka tä kukwe kwin nuainne ngwane, ja tare nikai kwetre ¿ye ñobätä nitre rüne rabadre driere ietre?
Video Munkwe ja ngüba bätärekä kwärikwäri ja tare yebiti. Blitata monsotre ben ngwane mikadre tuare. Kukwe ngwandretari nitre ja ükaninkrö ie:
¿Dre nemen gare nie video nebätä?
8. Ja tötika Bibliabätä konkrekasionte
(min. 30) lfb “Nitre Braibe Konkrekasion Jökrä Ngübabitikä tärä tikani” introducción sección 1 aune kukwe ja tötikara 1.