KUKWE NE EREREBÄTÄ MÄ RABA JA TÖTIKE

Ja näkwitara monsoi

Nitre rüne rabadre kukwe Jehovakwe ye driere monsotre kia kwe ie ye sribi ütiäte tä kisete (Efes. 6:4). Nitre rüne dimikakäre sribi ütiäte nebätä, Juta Ngöbökwe tä täräkwata, tärä aune video keta kabre tä dianinkä Bibliabätä ye bien. ¿Mä raba dre nuainne biti?

• Mä raba kukwe känene. Jw.org yete kukwe keta kabre tä mikani monsotre kia aune monsotre bati ye kräke, arato video aune kukwe nuaindre nieta (hojas de actividades) ye raba kwen.a känänkäre mä rika “Kukwe Bibliabätä drieta” yete biti mäkwe click mika “Kiatre” o “Monsotre bati” nieta yebiti kwin.

• Kukwe meden bäri kwin ye mäkwe känä. Sección “Kiatre”, dre raba monso mäkwe dimike ye mäkwe känä. Kukwe ruäre raba kwen mäi “Ideas para la adoración en familia” nieta yete.

• Kukwe kwani mäi yebätä mäkwe blita monso mäkwe ben. Video aune kukwe mikadre nuaindre monso kia kräke yebiti mäkwe ñaka näkwita jerekäbe. Ñakare aune mäkwe jä kitabätä bentre aune yebiti mäkwe dimika nemen ja ketamuko Jehovakwe.