Töbike kwin käne blitakäre

Kukwe Bibliabätä ja jie ngwankäre: “Mun kukwei rabadi mate nuäre ni mda mda olote” (Col. 4:6).

Pablokwe nuainbare ño

Apóstol Pablo tä blite nitre Atenas ben ne kwe kukwe rabadre tuin era ietre aune rükadre gare kwin.

VIDEO: Pablokwe kukwe driebare nitre Atenas ie

1. VIDEO mike ñärärä o ñäke Hechos 17:22, 23 yebätä. Biti kukwe ngwantarita nebätä töbiketari:

Jondron üai keta kabre mika nämäne ngöböre jai Atenas, ¿ye matani ño Pablobätä? (Hechos 17:16 mike ñärärä).
Pablokwe ñan ñäkäbare tare nitre Atenas ie jondron keta kabre mikabätä ngöböre jai. Kukwe ye ben töite, ¿dre niebare kwe ietre blitakäre kukwe kwin yebätä bentre?

Pablo kukwe kwin bämikani, ¿ye tä dre driere nie?

2. Nitre käkwe ni kukwe nuadre yekäre bäri kwin töbikadre kwin käne dre niedi, niedi ño aune ñongwane niedi yebätä.

Ja ngwen Pablo erere

3. Kukwe ño ño niedi mäkwe yebätä töbike käne. Ñodre, ni iti ñan ja bien kristiano yebe mä blitadre ngwane, bäri kwin ñaka Biblia o Jesús ye kädekadrete metre ta, ñakare aune mä raba kädekete bä jene niara olote.

4. Ñan mäträre biarebe nitrebätä. Nitre tö dre niei ye tuenmetre niere jökrä. Dre niedre kwe ye erere ñan tä Bibliabätä ngwane, ñan töi ükete biarebe o ñan ñäke ben jai (Sant. 1:19). Mäkwe kukwe nuai kwekebe ngwane, dre mikata era kwe jai aune ñobätä tä mike era jai ye rükai gare mäi (Prov. 20:5).

5. Raba ngwane, tä blite metre ye niere ie aune kukwe kwin niere ie. Ni ye tä kukwe metre niere ruin metre ie ye mäkwe ngwan törö jai. Käne, kukwe nükebiti ie yebätä blite ben, biti mäkwe dimika kia kia kukwe Bibliabätä ye mike gare jai.

NE MIKE ÑÄRÄRÄ ARATO

Prov. 25:15; 2 Tim. 2:23-26; 1 Ped. 3:15