Ja töi mike bökän nitrebätä

Jesukwe nuainbare ño

VIDEO: Ñö okwä yekänti Jesukwe blitabare meri iti ben

1. VIDEO mike ñärärä o ñäke Juan 4:​6-9 yebätä. Biti kukwe ngwantarita nebätä töbiketari:

1. ¿Dre mikani ñärärä käne Jesukwe blitakäre meri ye ben?

2. “Ñö ngwen ñadre tie” niebare Jesukwe ie. ¿Ñobätä kukwe ye namani kwin krubäte blita kömikakäre?

Jesús kukwe kwin bämikani, ¿ye tä dre driere nie?

2. Kukwe tuin ütiäte nitre ie yebätä blitadi bentre ngwane, rabai bäri nuäre ni kräke blita kömikakäre.

Ja ngwen Jesús erere

3. Ja töi kwite. Blita kömikadre yekäre dre tuin ütiäte mäi ye ñan aibätä blitadre, ñakare aune kukwe tuin ütiäte ni madai yebätä blitadre ben. Aisete töbike bä jene aune ngwentari jai:

1. “¿Noticia ño mikata gare?”.

2. “Nitre nünanka ti bäre, sribi muko tikwe aune nänkä kwelate tibe, ¿ye tä blite drebätä?”.

4. Kä mike ñärärä käne. Ngwentari jai:

1. “¿Gwä ngwane ni ne tä dre nuainne rä? ¿Aune drebätä tä töbike?”.

2. “Tä ja ngwäkite ño, ja ükete ño aune nüne ño yebätä, ¿dre nemen gare tie religión kwe o cultura kwe yebätä?”.

3. “¿Kä ne kwin blitakäre ben ya?”.

5. Ni kukwe nuin.

1. Ñan blita krubäte.

2. Kä bien ni yei blitakäre. Raba ngwane mäkwe kukwe ngwantari ie.