Ja di ngwen käre

Pablokwe nuainbare ño

VIDEO: Pablo ñan ja di ngwani nekä aune kukwe driebare jankunu Éfeso kwe

1. VIDEO mike ñärärä o ñäke Hechos 19:​8-10 yebätä. Biti kukwe ngwantarita nebätä töbiketari:

1. Nitre ruäre ñan tö nämäne Pablo kukwe nuai, ¿akwa ñan ja di ngwani nekä kwe ye ñokänti gare nie?

2. ¿Kä nuäite aune bäbe Pablo blitabare nitre tö nämäne kukwe mikai gare jai yebe?

Pablo kukwe kwin bämikani, ¿ye tä dre driere nie?

2. Ni rabadre kä denkä krubäte jai aune ja di ngwen nitre tuabitikäreta aune tötikakäre.

Ja ngwen Pablo erere

3. Ora meden kwin nitre kräke ye ngwane mäkwe tuadrebitita. Ngwentari jai: “¿Ñongwane kätä nemente ie blitakäre tibe? ¿Kä meden bäri kwin kräke blitakäre tibe?”. Ñaka rabadre nuäre mä kräke ni ye tuinbiti köbö kitani kwe mäi yete, akwa ja di ngwen tuinbitita.

4. Ñongwane blita raba bobukäreta ben ye ngwentari ie. Mä jämi blita mike krüte ye känenkri mäkwe köbö aune ora ükate ben tuabitikäreta. Aune köbö kitata jai ye ñaka käi kwitekä jabiti.

5. Ñan ja di ngwen nekä. Ni ye ñaka kwandre gwi mäi o sribi krubäte kisete, yebätä ñan tö kukwe mikai gare jai ye mäkwe ñan nütüdre bengwairebebätä (1 Cor. 13:​4, 7). Bäri kwin mäkwe ja di ngwandre ne kwe kwandre gwi mäi, akwa mätä ja di ngwen yebiti ta ñan nemen mäi ngwane, ñaka kä gainte ngwarbe (1 Cor. 9:26).