Ja mike nitre täte

Jesukwe nuainbare ño

VIDEO: Nitre kwati namani ruintari tare Jesús ie

1. VIDEO mike ñärärä o ñäke Marcos 6:​30-34 yebätä. Biti kukwe ngwantarita nebätä töbiketari:

1. ¿Ñobätä Jesús tö namani näin nitre apóstol ben “kä kaibete”?

2. ¿Dre käkwe Jesús töi mikani kukwe driere nitre kwati ie?

Jesús kukwe kwin bämikani, ¿ye tä dre driere nie?

2. Metrere, nita nitre töibikaire yebätä nita dimike kukwe kwin Bibliabätä mike gare jai.

Ja ngwen Jesús erere

3. Nitre kukwe nuin kwin. Nitre tuenmetre blite aune ñan blita kukweite ta. Kukwe niedre kwe mä kukwei ötakäre, ja driedre kwe mäi o dreta töi nike niedre kwe mäi ngwane, mäkwe ja olo mika juto kukwe nuare. Yebiti rükai gare ie mä töita bökänbätä.

4. Töbike niarabätä. Drebätä mäkwe blitaba ben ye ngwen törö jai aune ngwentari jai:

1. “¿Ñobätä ni ye tä kukwe metre ribere jai?”.

2. “Ja tötikadre kwe Bibliabätä ngwane, ¿nünain ño kwe nengwane aune ja känenkäre?”.

5. Kukwe kwin känene ni ye dimikakäre. Niarata kukwe ngwentari jai ye raba nemen gare ie ja tötika yebiti, aune ja tötika ye raba niara dimike kukwe mada yebätä ye mike tuare biarebe ie.