Ja töi mike kwin

Jesukwe nuainbare ño

VIDEO: Ni iti ie kä ñan nämäne tuin yei Jesukwe kä mikaninta tuinta

1. VIDEO mike ñärärä o ñäke Juan 9:​1-7 yebätä. Biti kukwe ngwantarita nebätä töbiketari:

1. Jesukwe kä mikaninta tuinta ni iti ie, arato blitabare kwe kukwe kwin yebätä ben. ¿Akwa meden nuainbare käne kwe? (Juan 9:​35-38 mike ñärärä).

2. ¿Ñobätä ni ye namani juto biare Jesús kukwe nuakäre?

Jesús kukwe kwin bämikani, ¿ye tä dre driere nie?

2. Nita nitre töibikaire rabai tuin ietre ngwane, tö rabai bäri ni kukwe nuai.

Ja ngwen Jesús erere

3. Ja mike ni mada ye täte. Ja ruin ño ni yei ye mäkwe ja di ngwandre mike nüke gare jai.

1. Ngwentari jai: “¿Drebätä metrere niara tä töbike krubäte? ¿Dre raba nemen tuin ütiäte ie aune kwin kräke?”. Mätä kukwe ngwentari jai ne käkwe mä dimikai kukwe kwin nuainne erametre kräke aune töi kwinbiti.

2. Mäkwe niara kukwe nua bökän ne kwe mä töitabätä rabadre gare ie. Ja ruin ño ie o töta nemen kukwe kwe mikai gare mäi ngwane, blite kukwe yebätä ben aune ñan kukwe madabätä.

4. Blite töi kwinbiti, jäme aune nitre mike ütiäte jai. Ni tuin bobre nie aune ni töta nemen dimikabätä ngwane, nita blite ño ben o ja kukwei mike ño yebiti nüke gare kwin. Ye medenbätä, töbike kwin käne mäkwe dre niedi aune niedi ño yebätä. Kukwe raba mate tarebätä ye mäkwe ñaka nie ie.

5. Ja töi mike nitre dimike. Raba ngwane mäkwe nitre dimika. Nita ni iti dimike ye köböire blita kömika raba kwin ni yebe.