Gätä kri köböbu ye kätä ni dimike ja krie mike ja üaire
1. ¿Dre bianta Jehovakwe ni di mikakäre sribi kwe ye nuainkäre?
1 Töi kwinbiti Jehová kätä kukwe bien nie, ni tötikakäre, ni di mikakäre sribi kwe ye nuainkäre (Mat. 24:14; 2 Tim. 4:17). Gätä kri köböbu nuainta kä kwatire kwatire te yebiti tä ni di mike arato. Gätä kri köböbu kä 2010 kräke kädekata: “Nikwe ja krie mikadre ja üaire”, ye käkwe ni dimikai ja krie mike ja üaire. Ye dianinkä Romanos 8:5 bätä Judas 17-19 yebätä aune ye kömikai bämän 31 agosto 2009 ja känenkäre.
2. a) ¿Gätä kri köböbu ye kätä ni dimike ño? b) ¿Gätä kri köböbu mada ye käkwe mä dimikanina ño kukwe driekäre?
2 Ni dimikai ño kwe. Kukwe ketakabre kätä ni töi kwite aune kä denkä krubäte nikän o tä ni töi mike kukwe ñaka ütiäte jiebiti yebätä, kukwe ükaninte ye käkwe ni mikai mokre. Bätä nikwe ñaka ja töi mikadre ni mada tuenmetre kukwe käme nuainne ye rabai gare nie aune ni dite ja üaire kätä ja ngwen ño ye kädriei arato. Ni itire itire bätä ni ja mräkäre tädre dite ja üaire bätä ni nuadrete mantre jetebe ye ngwane dre nuaindre, ye mikai gare dominkote kukwe kädrie jatäri yete. Kukwe ükaninte ye käkwe ni dimikai ja brukwä kriemike, ja ngübare kwin ja üaire, bätä kukwe kwin käbämikata nitre kätä ja ngübare kwin ja üaire ie ye mike ja töibätä.
3. ¿Ñongwane gätä kri köböbu ye rabai bare, aune nikwe ja töi mikadre dre nuainne?
3 Gätä kri köböbu ye rabai bare kä medekänti bätä ñongwane raba gare mäi angwane, mäkwe köbö dianka jai nänkäre gätä kri köböbu yebätä aune mäkwe ja töi mika kukwe kädriei ye kukwe nuin täte jökrä. Nitre kätä köbö ükete kwin jai yekrä Jehová kätä kukwe kwin mike nemen bare ye mäkwe ngwan törö jai (Pro. 21:5).
4. ¿Gätä kri köböbu ye käkwe ni dimikai ño?
4 Erametre Jehová kätä kukwe kwin ne Bien nie. Nitre sribikä täte metre käkwe kukwe ükaninte ye käkwe ni dimikai Ngöbö mike täte jankunu. Kukwe jökrä bianta Jehovakwe abokän kätä ni dimike, ‘kukwe ie nita tö ngwen ye mike gare jankunu’ yebätä nikwe debe biandre ie (Heb. 10:23-25; Sant. 1:17).