Ni jökrä nübaidre köbö bäri ütiäte yekrä
1. ¿Jesús murie ketani Ngwainta törö jai ye känenkri kukwe meden nuaindi kä jökräbiti tibien?
1 “Käre munkwe [...] ne [nuain, NM] ti ngwiankrä törö jae” (Luc. 22:19, Kukwe Kuin Ngöbökwe [KKN]). Kukwe ne nuainkäre, nitre Jehová mikaka täte bätä nitre kwati tö kukwe mikai gare jai käkwe ja ükaikrö 30 marzo kä 2010, Kristo murie ketani ye ngwankäre törö jai. Akwa kä jökräbiti tibien, köbö 13 nemen 30 marzo täräkwata döräidi nitre nübaikäre köbö yekrä.
2. ¿Täräkwata nitre nübaikäre ye driedre ño?
2 Nuaindre ño. Nitre nübaidre angwane, jondron üai bämikani täräkwata yebätä ye mäkwe mika tuare biti mäkwe nie: “Köbö 30 marzo ni kwati kä jökräbiti tibien käkwe ja ükaikrö Jesús murie ketani ngwankäre törö jai. Täräkwata nebiti tita mä bätä mä mräkätre nübaire. Nitre ja ketamuko mäkwe raba niken arato”. Raba nemen angwane, Biblia tä kukwe ye nuainmana nie ye mäkwe drie ie, ora nuäi aune kä meden känti gätä nuaindi ye mika gare arato. Akwa mäkwe ngwan törö jai kä ñaka krubäte nie täräkwata döräikäre, aisete blitadre jötrö ngwarbe.
3. ¿Nire nire nübai raba?
3 Konkrekasion kätä kukwe driere yekänti kä ere krubäte, ye ngwane nitre umbre raba täräkwata nitre nübaikäre ye mikatemana nitre ñaka gwi ye gwirete. Täräkwata nitre nübaikäre ye drie raba täräkwata mada yebe. Nitre tuabitita mäkwe, nitre ja tötikaka Bibliabätä, sribimuko o nitre nänkä kwelate mäbe, mä mräkätre, nitre nünanka mä bäre bätä nitre mada gare mäi ye jökrä mäkwe nübai.
4. ¿Ni tare Jehovakwe ye käkwe ni töimikai ño debe bien ie?
4 Ja ükadrete kukwe driekäre bäri. Jesús ja nire biani ni ütiäre ye Ngwainta Törö jai ye ngwane kukwe drie raba bäri. ¿Mä raba kä ükete jai sribi prekursor ausiliar nuainkäre? ¿Monsotre mäkwe o ni ja tötikaka mäbe ye tä nirien kukwe ja üairebiti? Ne erere angwane, niaratre jämi ja ngökö ñöte aune raba kukwe driere nibe angwane, mäkwe blita nitre umbre yebe. Jehovakwe Jesús biani ni kökatarikäre ni tare kwe yebätä aune ni törba debe biain ie angwane, ñan ni aibe kwandre köbö ütiäte yebätä, ñakare aune nikwe ni jökrä nübaidre gätä yebätä (Juan 3:16).