Täräkwata mrä döräidi
1. ¿Dre driedi noviembre yebätä aune yebiti nitre dimikai ño?
1 Gätä kri köbömä kä 2009 “¡Munkwe ja ngwan mokre!” yete täräkwata mrä bianba, ¿ye tä törö mäi? Täräkwata ye kädekata La Biblia y su mensaje. Noviembre yebätä kä jökräbiti tibien nikwe täräkwata ye driedi kena nitre madai. ¿Kukwe drieta yekänti täräkwata ye nitre dimikai ño? Nitre kwati ñaka Jesús kukwei mike täte, yei Biblia ñaka gare kwin. Täräkwata yebiti niaratre raba kukwe Bibliabätä mike gare bäri jai, nieta página 3 yekänti ye erere.
2. ¿Täräkwata mrä ye driedre ño?
2 Driedre ño. Ni raba kukwe ne niere: “Töbike kukwe nebätä [ñäkä 2 Timoteo 3:16 yebätä]. Kukwe nieta nete ye nitre kwati tä mike tuin erametre jai, akwa nitre ruäre tätre niere Biblia ye tä kukwe kwin aibe niere. ¿Mä abokän tä Biblia ye mike tuin ño jai? [Mäkwe tuanmetre blite.] Nita kukwe jene jene mike täte, akwa Biblia tä dre niere ye ni itire itire käkwe mikadre gare jai [kukwe nieta kena página 3 yekänti, mäkwe ñäkä]. Kukwe Bibliabätä dianinkä tä täräkwata nebätä, yebätä mäkwe ñäkäi angwane rabai gare mäi kukwe tä tikani Bibliabätä kena nememe mrä ye jökrä tä blite kukwe ja erebebätä”.
3. Kukwe drieta yekänti nitre kwati ñaka Jesús kukwei mike täte angwane, ¿kukwe drie raba ño ietre?
3 Kukwe drieta yekänti nitre kwati ñaka Jesús kukwei mike täte, yei ni raba kukwe ne niere: “Töbike kukwe nieta tärä ütiäte nebätä [ñäkä Salmo 37:11 yebätä]. Kukwe ne rabai bare ye ngwane Kä tibien ne rabai ño, ¿raba ruin mäi? [Mäkwe tuanmetre blite.] Biblia tä kukwe keta kabre mike gare abokän raba nitre jökrä dimike aune mike tö ngwen kukwe kwin yei”. Ñäkädre párrafo kena tä página 3 yebätä, biti mäkwe täräkwata ye drie.
4. ¿Täräkwata mrä yebiti ja tötika Bibliabätä kömika raba ño?
4 Ja tötika Bibliabätä kömikakäre. Ni rikadreta nitre tuinbitita ye ngwane, kukwe medenbätä nikwe blitabare ben ye ngwandreta törö ie, ye bitikäre párrafo keteiti o ketebu tä kukwe ye arabe mike gare, yebätä blitadre ben aune kukwe ngwantarita página yebätä, yebiti nuaindre. Ni törbadre tärä Enseña ye driei angwane ni raba ñäke página mrä yebätä, ye bitikäre tärä ye biandre aune kapitulo medenbätä nitre törba ja tötikai ye ererebätä blitadre ben. ¡Ni jökrä rabadre ja töimike täräkwata mrä ye driere noviembre yebätä!