Dre nuaindre formulario Sírvase visitar (S-43-S) yebiti

Ni iti törbadre kukwe mikai gare jai, akwa ñaka nüne nita kukwe driere yekänti o blite kukwe madabiti, ye ngwane täräkwata yebätä kukwe tikadre. Nitre blite kukwe madabiti nämene kwen nie, tö nämene kukwe mikai gare jai o ñakare, ye ngwane kukwe tika nämene täräkwata yebätä, akwa nengwane nitre törbadre kukwe Ngöbökwe mikai gare jai ye aibe ngwane kukwe tikadre täräkwata yebätä. Akwa, nitre ie ni kukwe ñaka ruin ye kwandre nie ye ngwane käre formulario S-43-S yebätä kukwe tikadre.

Kukwe tikadre täte täräkwata yebätä angwane biandre ni kukwe konkrekasionte tikaka ie. Konkrekasion medente täräkwata ye juandre gare kwin ie angwane, niara käkwe juandre nitre umbre konkrekasion yete yei, ne kwe niaratre käkwe kukwe ükadrete ni ye dimikakäre. Täräkwata ye juandre konkrekasion medente ye ñaka gare ie angwane, juandre kwe sukursalte.

Ni iti blite kukwe madabiti törbadre kukwe mikai gare jai aune tä nüne nita kukwe driere yekänti angwane, nikwe dimikadre jankunu nemen ni kukwe driekä mada abokän blite niara kukweibiti rükadre tuinbiti ye ngwane (Sribi Nikwe Ngöbökrä noviembre 2009, página 4 mikadre ñärärä).