‘Nitre ño ño’ ie kukwe driedre
1. ¿Ñobätä ni kukwe driekä kwin ye keta raba ni jondron sribekä kwin yebätä?
1 Ni jondron sribekä tä jondron keta kabrebiti sribire, sribidre ño jondron yebiti aune, ñongwane nuaindre kwe ye gare kwin ie. Ye erere arato, jondron keta kabre tä nikwe abokänbiti nita kukwe driere. Ñodre, nikwe kukwe driedre nitre “ño ño erere” ie ye kräke täräkwata keta kabre tä nikwe (1 Cor. 9:22, Ngöbö Täräe [NGT] (tärä okwä ükaninte)). Sribi Nikwe Ngöbökrä sö nebätä yekänti täräkwata mada tädi, nire nire ie nikwe täräkwata jene jene driedre aune nuaindre ño ye mikai gare nie.
2. ¿Ñongwane täräkwata drie raba?
2 Ñongwane nuaindre täräkwatabiti. Ni jondron sribekä raba jondron medenbiti sribire bäri kwin, yebiti tä sribire. Ye erere arato, nita kukwe driere ye ngwane nita tärä ruäre driere, akwa bäri kwin täräkwata biandre ni gwi yei angwane nuaindre. Ñodre, tärä Dre Drieta ye nita driere, akwa nita kukwe driere yekänti nitre ñaka ja bien kristiano aune ñaka töbike krubäte Biblia yebätä, ye ngwane bäri kwin täräkwata driedre ietre töi mikakäre kukwe Ngöbökwe yebätä, yebiti tärä Dre Drieta ye jänrikadre ietre.
3. ¿Ñobätä tärä keta kabre yebiti ni rabadre sribire kwin?
3 Biblia tä blite kwin nire nire ie sribi gare kwin yebätä (Pro. 22:29). Erametre, kä nengwane sribi bäri ütiäte tä ni kisete “kukwe kwin [deme] Ngöbökwe” driere (Rom. 15:16, NGT). Tärä keta kabre sribeta yebiti ni rabadre kukwe driere kwin, ne kwe “ni sribikä ie jondron ñan tärä kwen jakaikäre” ye kwrere ni rabadre (2 Tim. 2:15, NGT).