Täräkwata sribebare bitinkä ye driedre

Sö ruärebätä nita tärä Enseña driere ja tötika Bibliabätä kömikakäre nita niken kena nitre tuinbiti ye ngwane, ni nübaita täräkwata sribebare bitinkä ye driedre nitre kwe tärä ye niena akwa ñaka töta nemen ja tötikai yei. ¿Ñobätä ni nübaita ye nuainne?

Täräkwata sribebare bitinkä, yebätä kukwe keta kabre kädrieta abokän raba mate kwin nitre ie nita kukwe driere yebätä. Ye medenbätä, mätä niken kukwe driere ye ngwane mäkwe täräkwata ye mika ngwäte kukwe driekäre jai. Täräkwata sribebare bitinkä ye ñaka mäkwe angwane mäkwe kärä konkrekasionte. Tärä Enseña ye tärä ni gwi yekwe, akwa ñaka ja tötike Bibliabätä angwane, täräkwata sribebare bitinkä ye mäkwe mika tuare ie aune meden rabadre tuin kwin ie ye diandre kwe jai. Ye bitikäre, mäkwe köbö ükate ben tuabitikäre. Mäkwe ni ye töi mikai jankunu kukwe Ngöbökwe yebätä, angwane ye bitikäre niara raba ja tötika Bibliabätä ye kain ngäbiti.