Nitre testiko Jehovakwe: tödekabare metre. Kukwe 1: Kä trä namani tuinta ietre
Biblia tä ñotra ye kete kukwe metre yebätä aune kä iko ye ketata kukwe ngwarbe nieta yebätä (Sal. 43:3; Isa. 5:20). Satana käkwe Eva ngökani ye ngwane nitre jatani nüne kä ikote. Kä nengwane nitre tä nüne bäri kä ikote (Rev. 12:9). DVD kädekata Los testigos de Jehová: una historia de fe viva. Parte 1: Salen de la oscuridad tä mike gare kukwe Ngöbökwe ye jatani trä ngitiekä ño (Isa. 60:1, 2). Video tuadre ye bitikäre kukwe ngwantarita jatäri nete ye mikadre gare.
1) Nitre apóstol krütani ye bitikäre, ¿kä iko ja üairebiti ye namani ño? 2) Siklo XII ye ngwane, ¿kukwe meden nakaninkä käkwe mikani gare ni madai Iglesia nämene kukwe ñaka metre driere? 3) ¿Nire abokän Henry Grew aune George Storrs? 4) ¿Kukwe meden käkwe Charles Russell mikani töbike? 5) ¿Ja mräkä Russell, rün kwe bätä nitre ja ketaka ben nämene ja tötike ño Bibliabätä? ¿Kukwe Bibliabätä ye nükani gare ño ietre? 6) ¿Ñobätä nitre ja tötikaka Bibliabätä Russell ben käkwe ja mikani nitre ja tötikaka Nelson Barbour yekri? Akwa, ¿ñobätä niaratre käkwe ja dianinkä mento? 7) ¿Kä 1879 ye ngwane dre namani bare abokän köböire kukwe Ngöbökwe ye namani trä ngitiekä bobukäre? 8) Ye bitikäre nitre ja tötikaka Bibliabätä käkwe, ¿dre nuainbare kukwe kwin ye mikakäre gare nitre madai? 9) ¿Kä 1914 ye ngwane nitre ja tötikaka Bibliabätä nämene kukwe meden rakaikä ngübare ngäbiti? 10) Ja mräkä Russell krütani ye bitikäre, ¿kukwe meden ben nitre ja tötikaka Bibliabätä käkwe ja tuani? 11) ¿Ja mräkä Rutherford aune nitre sribikä ben mikani kwäre ye ngwane nitre ja tötikaka Bibliabätä käkwe dre nuainbare? 12) ¿DVD ne käkwe mä dimikani ño juta Jehovakwe ye mike tuin ütiäte jai? 13) ¿Kukwe tare rakadrekä mäbätä akwa DVD ne käkwe mä dimikai ño ja töi mike kwatibe kukwe kwin driere kä jutobiti? 14) ¿DVD nebiti mä raba mä mräkätre, nitre ja tötikaka Bibliabätä mäbe bätä nitre mada dimike ño?
¡Kukwe ütiäte ja üairebiti nitre ja tötikaka Bibliabätä käkwe mikaninte nie! Nitre nünanka kä ikote kukwe ja üairebiti ye ngätäite niaratre nämene nüne, akwa niaratre käkwe ja ngwani dite aune kä jutobiti ñotra ye mikani trä ngitiekä kwetre. Nikwe ja ngwandre niaratre erere bätä “ni nünanka Ngöbö trä ngwente [...] ye kwrere [ni]kwe nüna kuin metre” (Efe. 5:8, WBT).