Nitre testiko Jehovakwe: tödekabare metre. Kukwe 2: Niaratre ñotra mikani trä ngitiekä
Ja mräkä Rutherford bätä nitre sribikä ben nämene ngite tikaninteta kä 1919 ye ngwane, sribi kri nämene nuaindre nitre ja tötikaka Bibliabätä yei. DVD kädekata Los testigos de Jehová: una historia de fe viva. Parte 2: Dejan brillar su luz, yekänti mikata gare nitre ja tötikaka Bibliabätä rüe nakaninkä krubäte, kukwe Bibliabätä ye nükani gare bäri kwin ietre aune tödeka kwetre namani bäri dite (Prov. 4:18; Mal. 3:1-3; Juan 15:20). Mäkwe video ye tuadre angwane kukwe ngwantarita jatäri ye mikadre gare.
1) ¿Nitre ja tötikaka Bibliabätä käkwe kukwe kwin mikani gare ño nitre madai? 2) ¿Gätä ütiäte nuainbare kä 1931 bätä 1935 ye ngwane kukwe meden mikani gare? 3) ¿Kukwe meden kädriebare La Atalaya 1 noviembre 1939 sribebare inglere yebätä? 4) Kä Madison Square Garden yekänti ja mräkä Rutherford käkwe kukwe “Gobran aune kä jäme” kädriebare ye ngwane dre namani bare ye mäkwe mika gare. 5) “Kä jäme... ¿nuadi kärekäre?”, kukwe ye ja mräkä Knorr käkwe kädriebare ye ngwane ¿dre mikani gare kwe? 6) ¿Kä 1942 ye ngwane nitre testiko Jehovakwe kukwe meden ükaninte kukwe driekäre bäri käbiti tibien? 7) Kukwe medenbätä ja tuani kwetre gobranbe kä Estados Unidos, Canadá, bätä Grecia yekänti ye mäkwe mika gare. 8) ¿Kwela Galaad kömikani ye köböire sribi Ngöbökwe ye jatani nirien ño bäri? 9) ¿Sribi meden ütiäte kömikani kä 1946 yete, aune ñobätä? 10) ¿Nitre testiko Jehovakwe dre nuainbare ja ngwankäre kukwe nieta Bibliabätä ye erere? 11) Kä 1970 ye ngwane kukwe meden ükaninte ne kwe juta Ngöbökwe rabadre kukwe Bibliabätä ye erere nuainne. 12) ¿Jehovata juta kwe jie ngwen aune mätä juta yete ye DVD ne käkwe mä dimikani ño tö ngwen bäri kukwe yei? 13) ¿Kukwe tare rakadrekä mäbätä akwa DVD ne käkwe mä dimikai ño ja töi mike kwatibe kukwe kwin driere kä jutobiti? 14) ¿DVD nebiti mä raba mä mräkätre aune nitre ja tötikaka Bibliabätä mäbe bätä nitre mada dimike ño?
Kä kwatire kwatire tä niken ta yete kukwe keta kabre tä nemen bare nitre testiko Jehovakwe yebätä. ¿Kukwe ye kätä dre mike gare nie sribi Ngöbökwe nuainta yebätä? Ja mräkätre nuainbare käne ye erere nikwe ja töi mikadre kwatibe ¡“kä trä” mike ngitiekä! (2 Cor. 4:6, WBT).