Kukwe driekäre

Sabado kena noviembre yebätä ja tötika Bibliabätä driedre ño

“Rü, ni mada murie ketata, ni mada nuainta tare, bren keta kabre kräkäi ñaka, kukwe tare tä nakainkä aune kukwe mada tä nemen bare ben ni kä nebätä tä ja tuin. Nitre ruäre tä ngwentari jai, Ngöbö dite krubäte, ni tarekä, töbätä krubäte aune töi kwin ni kräke ¿se ñobätä mada tä ja tare nika tuenmetre nakainkä? ¿Mä abokän raba dre niere kukwe yebätä?” [Mäkwe tuanmetre blite.] Mäkwe nübai ñäke 1 Juan 5:19 yebätä, aune ye bitikäre mäkwe tärä Dre drieta ye bian ie. Kukwe página 108, párrafo 7 yebätä mäkwe ja tötika ben, aune Satana tä kä tibien ne gobraine, köböite ja tare nikata krubäte mäkwe mika gare ie. Köbö ükadrete jai kukwe mada ngwantarita tärä nebätä kädriekäre ben.

Ni Mikaka Mokre Octubre-diciembre

“¿Ti rün nieta ye ngwane dre tä nüke mä töite?” [Mäkwe tuanmetre blite.] Mäkwe nübai ñäke Lucas 11:2 yebätä aune ye bitikäre mäkwe Ni Mikaka Mokre sö octubre-diciembre ye bian ie aune mäkwe kukwe página 19 párrafo ketamä kena yebätä kädrie ben. Ni Rün kä kwinbiti mikadre gare jai ye ütiäte krubäte, ni mikakäre niara tarere bäri ye mäkwe mika gare ie. Täräkwata driedre ie aune köbö ükadrete tuabitikäreta.

¡Despertad! Noviembre

“Nunta nitre nünanka nere ye tuinbiti dimikakäre. Erametre kä nengwane nitre ja mräkäre kwati ye tä nüne rün o meye aibe ben, ¿ñan ererea? ¿Kukwe ye ñaka nuäre nitre ja mräkäre kräke raba ruin mäi? [Mäkwe tuanmetre blite.] Kukwe kwin mäträkäre tä Bibliabätä ye käkwe nitre rüne kwati dimikanina [mäkwe ñäkä 2 Timoteo 3:16 yebätä]. Täräkwata nebätä kukwe ruäre nieta nitre rüne tä monsotre kwe ngübare kaibe dimikakäre sribi ñaka nuäre tä kisete ye nuainkäre.”