Kukwe driekäre

Sabado kena enero yebätä ja tötika Bibliabätä kömikadre ño

“Nun törba ngwaintari mäi: ¿Ngöbö kädekata ño gare mäi? [Mäkwe tuanmetre blite.] Dre nieta nete mike ñärärä.” Kukwe tä mikani mrä täräkwata Ni Mikaka Mokre 1 enero yebätä ye mäkwe mika tuare ie aune kukwe tä subtítulo kena yekänti ye mäkwe kädrie ben, texto tä mikani ye keteitibätä mä raba ñäke. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 enero

“Bitinkä jatäri blitata krubäte kä krütai yebätä, aune ye tä kä jürä ngwen nitrebätä. ¿Mä abokän tä töbike ño? [Mäkwe tuanmetre blite.] Biblia tä blite kä krütai yebätä, akwa nitre rabaite nire ye kädrieta kwe arato [mäkwe ñäkä 1 Juan 2:17 yebätä]. Nitre kwati tä kukwe ketabokä ngwantarita kä krütai yebätä ye täräkwata ne tä mike gare.”

¡Despertad! Enero

“Nunta nitre tuinbiti dimikakäre. Kukwe niebare Jesukwe ne ererebätä ni ja mräkäre käkwe ja di ngwandre nüne, ¿ye ütiäte o ñakare? [Mäkwe ñäkä Hechos 20:35b yebätä aune mäkwe tuanmetre blite.] Nitre töita ja aibebätä ngätäite nita nüne, yebätä ñaka nuäre monsotre tötikadre kukwe kwin nuainkäre. Dre nuaindre ye täräkwata ne tä mike gare abokän raba nitre rüne dimike.”