Kukwe driekäre

Sabado kena diciembre yebätä ja tötika Bibliabätä driedre ño

“Ja ketadre Ngöböbe ye ñaka tä nemen tuin nuäre nitre kwati ie. Akwa, ¿mä raba nemen ja ketamuko Ngöbökwe raba ruin mäi?” [Mäkwe tuanmetre blite.] Mäkwe nübai ñäke Isaías 41:8 yebätä, aune ye bitikäre mäkwe tärä Dre drieta ye bian ie aune kukwe página 115, párrafo 3 yebätä mäkwe ja tötika ben. Ni raba nemen ja ketamuko Ngöbökwe ye mäkwe mika gare ie. Köbö ükadrete jai kukwe mada ngwantarita tärä nebätä kädriekäre ben.

Ni Mikaka Mokre Octubre-diciembre

“Ngöböta ngite juen ta nibiti ye nitre kwati ie nüke gare. ¿Ngöböta ngite juen ta, ye tä käikwitekä jabiti raba ruin mäi?” Mäkwe tuanmetre blite. Mäkwe nübai ñäke Ezequiel 18:21, 22 yebätä. Mäkwe täräkwata Ni Mikaka Mokre octubre-diciembre ye bian kati ie aune página 18, párrafo 6 ye mäkwe kädrie ben. Ngöbö ni mike tuin bobre jai ye mäkwe mika gare ie. Mäkwe täräkwata drie ie aune mäkwe köbö ükate jai tuabitikäre.

¡Despertad! Diciembre

“Kä nengwane, nitre kisete sribita krubäte yebätä tä nemen rubun jötrö ngwarbe. ¿Ye erere tuin mäi? [Mäkwe tuanmetre blite.] Nitre ruäre tä nütüre nita nüne kä krüte te mikani gare Bibliakwe 2 Timoteo 3:1 ye erere [mäkwe ñäkäbätä]. Ni nemen rubun jötrö ngwarbe ye raba kukwe tare mike ni kisete mikata gare täräkwata nebätä aune tä kukwe mike gare ruäre abokän raba ni dimike kä ngwen nüke jai.”