Jesús ja nire biani ni ütiäre Ngwainta Törö jai kräke nitre nübai köbö 1 marzo yete ja känenkäre
1. ¿Jesús ja nire biani ni ütiäre Ngwainta Törö jai kräke täräkwata döräidi ñongwane, aune ñobätä nuaindi bäri köbö kabre te kä känente ye kräke?
1 Jesukwe ja nire biani ni ütiäre Ngwainta Törö jai kräke nikwe täräkwata döräidi nitre mada nübaikäre ja mukore viernes, 1 marzo, yete ja känenkäre. Jesús ja nire biani ni ütiäre Ngwainta Törö jai köbö 26 marzo yete, ye tä mike gare täräkwata döräidi nitre nübaikäre ye nuaindi bäri köbö kabre te kä känente ye kräke. Ye köböire nikwe nitre mada nübaidi bäri, metrere kä kukwe driekäre konkrekasion ie yekänti nitre nünanka ye nübaidi.
2. ¿Kukwe ükaninte ño täräkwata ni nübaikäre ye diankäre jai aune döräikäre kä jökrä känti?
2 Kukwe ükadrete. Täräkwata döräidi ño ye kräke nitre umbre ji ngwanka konkrekasionte käkwe kukwe ükaite, aune täräkwata nitre nübaikäre ye mikate raba nitre ñaka kwandre gwi nie ye ngwane o ñakare ye mikai gare kwetre arato. Täräkwata döräidi ju ju te ye rabadrete angwane, kukwe drieta ni jökrä ngwärekri ye ngwane döräi raba arato. Ni umbre kukwe drieta jie ngwanka käkwe täräkwata ni nübaikäre ye mika manain tärä o täräkwata bianta ye käi känti ne kwe nitre kukwe driekä käkwe diandre akwle jai, akwa ñaka täräkwata ni nübaikäre ye mikai jökrä yete. Ni tö nuäi ie bämän krati kräke ye näre nikwe diandre jai.
3. ¿Täräkwata ni nübaikäre ye nikwe döräidre angwane dre ngwandre törö jai?
3 ¿Dre niedi? Blitadre jötrö ye bäri kwin, ñobätä ñan aune ye köböire nitre kwati nübaidi bäri. Ni raba täräkwata ni nübaikäre driere ño ye mikata gare página 4 yekänti. Ye bitikäre, nitre gwi ni kadre ngäbiti jäme aune törbadre kukwe ngwaintari nie ye ngwane ni ñaka rikadre jötrö mento. Täräkwata ni nübaikäre ye nita döräire angwane ni raba täräkwata mada mikete ni gwi yei arato. Köbö 2 marzo yete ja töi mikai kwatibe täräkwata ni nübaikäre ye aibe döräire aune ñaka ja tötika Bibliabätä kömike.
4. ¿Ñobätä nikwe täräkwata ni nübaikäre ye döräidre kä jutobiti?
4 Jesús ja nire biani ni ütiäre Ngwainta Törö jai kräke ni tö nitre kwati tuai nüke ja mukore. Nire abokän Jesús ye mikai gare kukwe kädriei ni jökrä kräke yete (1 Cor. 11:26). Niara krütani ye tä ni dimike ño ye mikai gare (Rom. 6:23). Aune ñobätä ütiäte nikwe ngwandre törö jai ye mikai gare (Juan 17:3). ¡Ni jökrä käkwe täräkwata ni nübaikäre ye döräidre kä jutobiti!