Kukwe mada ükaninte Jehová käikitakakäre
1. ¿Kukwe meden ükaninte mrä abokän rabai ni mike Jehová käikitekä “krubäte”?
1 Nitre kukwe driekä raba sribi prekursor ausiliar nuainne 30 ora kä kwatire kwatire te sö marzo aune abril yebätä, aune raba nuainne ni ni tuabitikä konkrekasionte tä ni tuinbiti ye ngwane. Kukwe ükaninte mrä ne nuain jatani sö marzo kä nete ja känenkäre. Ni ni tuabitikä yekwe konkrekasion tuadrebiti sö krati jatadrera krüte nemen sö mada kömikadre yete angwane, nitre kukwe driekä raba ja töi mike kukwe driere 30 ora sö krobu medenbätä törbadre nuaindi ye erere te. Ni ni tuabitikä konkrekasionte yekwe gätä nuaindre nitre prekursor regular aune especial ben ye jökrä te nitre prekursor ausiliar nuainkä raba nemen arato. Ye medenbätä, ni ñaka raba sribi prekursor nuainne 50 ora ye ngwane, bäbokä kä kwatire kwatire yete kä rabai nie Jehová käikitakakäre “krubäte” nikwe prekursor ausiliar nuaindi 30 ora yebiti (Sal. 109:30; 119:171).
2. ¿Ni ni tuabitikä konkrekasionte täi ni tuinbiti ye ngwane nitre prekursor ausiliar nuainkä yekwe dre dre kwin rabai?
2 Ni ni tuabitikä konkrekasionte tä ni tuinbiti ye ngwane. Ni ni tuabitikä konkrekasionte käkwe ni tuaibiti ye ngwane nitre kukwe driekä kwati krubäte rabai prekursor ausiliar nuainne aune kukwe driedi kwetre niarabe ye ngwane kä rabai “ja die mika[käre] kwärikwäri” ietre (Rom. 1:11, 12, Kukwe kuin Ngöbökwe [WBT]). Nitre prekursor ausiliar nuainkä kwati ye tädre sribire angwane, raba kä kärere ngwarbe jai kukwe driekäre ni konkrekasion tuabitikä yebe. Nire nire tä sribire lunes nemen viernes ye raba ni ni tuabitikä ye nübaire jabe kukwe driere sabado o domingo yete. Ne madakäre, gätä nuaindi nitre sribi prekursor regular aune especial nuainkä ben yete nitre prekursor ausiliar nuainkä täi siba yekwe dimikai krubäte.
3. ¿Jesús ja nire biani ni ütiäre Ngwanta Törö jai käi näire prekursor ausiliar nuaindre ye ñobätä kwin krubäte?
3 Marzo aune abril. Jesús ja nire biani ni ütiäre Ngwanta Törö jai ye käi näire nire nire käkwe prekursor ausiliar 30 ora nuainbarera yei kä rabai bäri Jehová “käikitakakäre” kä nengwane (Heb. 13:15, WBT). Sö marzo aune abril ye kwin krubäte sribi prekursor ausiliar nuainkäre ne kwe nikwe kukwe driedre bäri. Sö yebätä täräkwata döräita nitre nübaikäre Jesús ja nire biani ni ütiäre Ngwanta Törö jai kräke. Ne madakäre, nitre kukwe driekä tätre kä denkä bäri jai kukwe driekäre, yebätä ja mräkätre nemen bäri kwati abokän ben ni raba kukwe driere. Jesús ja nire biani ni ütiäre Ngwanta Törö jai ye bitikäre, nitre nükani gätä yebätä ye töi mikadre bäri kukwe Ngöbökwe yebätä aune nübaidre nüke kukwe ütiäte kädriei ni jökrä kräke ye näire. Erametre kukwe mada ükaninte Jehová käikitakakäre nikwe prekursor ausiliar nuaindre yebiti. ¿Ni brukwä yekwe ni töi mikai nuainne? (Luc. 6:45.)