Ja ükadrete biare
1. ¿Kukwe meden ütiäte nuaindi Jesús ja nire biani ni ütiäre Ngwanta Törö jai ye käi näire aune ja ükadrete ño kräke?
1 Jesús ja nire biani ni ütiäre Ngwanta Törö jai ye käi näire ni jökrä raba ‘Jehová käikitekä krubäte’ (Sal. 109:30). Ngöbökwe ni kökanintari ye ütiäte ni kräke, ye medenbätä nikwe ja di ngwain kukwe driere bäri sö marzo yebätä. Nikwe ja ükadrete biarebe kukwe ütiäte ye kräke (Prov. 21:5).
2. ¿Abril kä 2011 nitre prekursor ausiliar käkwe ora nuaindre braibe mikani gare angwane ye matabare ño nitre ruärebätä? ¿Aune matani ño mäbätä?
2 Ja mikadre prekursor ausiliar. Kä känente nire nire käkwe prekursor ausiliar nuaindre abril yebätä, ye käkwe ora nuaindre braibe mikani gare angwane, kä namani juto krubäte nibätä. Monso bati käkwe kukwe ne tikani: “Kwela jämi krüte tie yebätä ti ñaka prekursor regular nuainne. Prekursor ausiliar nuainkäre tikwe 30 ora nuain ye tikwe tikai täräbätä, akwa tikwe ja töi mikai nuainne 50 ora”. Ja ngwai tä käre sribire käkwe niebare: “¿Ora krä grebiti krä jätä? ¡Ye abokän ti raba nuainne!”. Kukwe ye mikani gare angwane, ja ngwai umbre kä 80 biti bäri nämene sribi prekursor ye nuainne käne käkwe niebare: “¡Ti tö nämene sribi prekursor ye nuainenta bobukäre! ¡Ti nämene sribi prekursor ye nuainne käne ye nämene kä mike juto tibätä ye gare kwin Jehovai!”. Ja mikadre prekursor ausiliar ye ja mräkätre ruäre ie ñaka namani nuainbare, akwa ja töi mikani kwetre kukwe driere bäri.
3. ¿Dre käkwe ni töi mikai ja mike prekursor ausiliar sö marzo, abril bätä mayo yebätä?
3 Sö marzo yebätä nire nire käkwe ja mikadre prekursor ausiliar ye raba 30 o 50 ora nuainne, aisete ni jökrä raba ja töi mike sribi ye den ja käne. Ne madakäre, nitre mada nübaidi ja ükökrö nibe Jesús ja nire biani ni ütiäre Ngwainta Törö jai köbö 5 abril yete, ye abokän kömikai sabado 17 ja känenkäre. Nire nire käkwe prekursor ausiliar nuaindi marzo yebätä kä rabai jutobätä, aune törbai kukwe driei 50 ora prekursor ausiliar erere sö abril bätä mayo yebätä.
4. ¿Ni raba dre nuainne kukwe driekäre bäri? ¿Kukwe meden rabai bare?
4 Jesús ja nire biani ni ütiäre Ngwanta Törö jai, ye käi näire kukwe drie raba bäri, yebätä mä raba blite mä mräkätrebe munta ja tötike gwairebe ye ngwane (Prov. 15:22). Mäkwe ja di ngwain yebätä Jehová rabadre kukwe kwin mike nemen bare mäbätä mäkwe ribe ie (1 Juan 3:22). Mäkwe ja töi mikai kukwe driere bäri angwane mäkwe Jehová käikitaikä bätä kä rabai bäri juto mäbätä arato (2 Cor. 9:6).