Kukwe keteitibebätä blitadre, akwa täräkwata ketebu driedre

Täräkwata sribeta yebätä kukwe keta kabre ütiäte tikata. Ju kwatire kwatire te ni raba blite kukwe jene jenebätä, akwa bäri kwin nikwe blitadre kukwe keteitibebätä. Dreta ni bäre ye nikwe mikadre ñärärä aune kukwe meden meden tä tikani täräkwatabätä ye gare nie angwane, kukwe meden tä mikani täräkwata Ni Mikaka Mokre bätä ¡Despertad! yebätä abokän raba nemen tuin ütiäte ni gwi yei yebätä nikwe blitadre ben. Ñodre, juguetes jutuadre gwita nie angwane, täräkwatabätä kukwe nieta nitre ja mräkäre kräke yebätä nikwe blitadre ni gwi yebe. Ni brare käkwe ni kukwe nuadre angwane, kukwe meden ütiäte nitre brare kräke tädre täräkwatabätä ye kädriedre ben, ñodre kukwe tä nakainkä jabätä nitre madai aune gobran kwin ribeta kukwe ükatekäre yebätä blitadre ben. Nikwe blitadre kukwe keteitibebätä, akwa nitre ie kukwe meden rabadre tuin ütiäte yei täräkwata ketebu mikadrete nieta nie.