Nikwe nübaidre jabe

Konkrekasion keta kabre te nitre kukwe driekä ruäre ñaka tä kukwe driere krubäte ñobätä ñan aune tätre bren krubäte o niena umbre yebätä (2 Cor. 4:16). Ja mräkätre o ja ngwaitre tärä ye erere konkrekasion nikwe yete angwane, ni raba nübaire jabe nita niken nitre tötike Bibliabätä ye ngwane. Ni kukwe driekä ye ñaka raba niken mentokwäre angwane, ni raba niken ni ja tötikaka nibe ye ngwena gwirete. Ruäre ngwane ni raba ni kukwe driekä meden tä bren ye nübaire jabe kukwe driere ju ñaka krubäte yekänti o nitre tuinbiti iti o nibu. Nitre kukwe driekä niena umbre yekwe kukwe kwin keta kabre tä nemen kukwe driebätä, yebätä nikwe kukwe driedre bentre ye ngwane kukwe kwin rabai nikwe arato (Rom. 1:12). Nita ja di ngwen ja mräkätre aune ja ngwaitre dimike aune tarere ye köböire Jehovakwe kukwe kwin mikai nemen bare ni kräke ye rabadre gare kwin nie (Prov. 19:17; 1 Juan 3:17, 18).