Kukwe driekäre

Gobran Ngöbökwe kukwei núm. 38

“Kukwe ütiäte krubäte tä täräkwata nebätä döräita kä jökräbiti tibien abokän tita döräire siba arato. Täräkwata ne mä kräke.”

Nota: Kukwe drieta ye jökrä känti täräkwata döräidre yekäre, bäri kwin blitadre jötrö ngwarbe. Akwa nire ie kukwe ye rabadre tuin ütiäte aune törbadre blitai jankunu kukwe yebätä angwane, kukwe ngwantarita kena yebätä tä töbike ño ye ngwantari raba ie, Hechos 24:15 tä täräkwatabätä yebätä ñäkädre ie aune kä tädre ngwane, kukwe mada kädriedre ben. Täräkwata ye kwäräkri kukwe ngwantarita ne ngwantari raba mrä ie “¿Ñobätä nita nemen umbre aune nita krüte?”, aune mäkwe köbö mikata ie kukwe ye kädriekäre ben.

Ni Mikaka Mokre 1 Noviembre

“Nitre ruäre ñaka tö ngwen Ngöböi ñobätä ñan aune kukwe ngwarbe niebare Ngöböbätä ietre. ¿Kukwe meden ngwarbe nieta Ngöböbätä raba ruin mäi? [Mäkwe tuanmetre blite.] Nikwe Ngöbö taredre aune tö ngwandre kwatibe ie yei niara tö nieta Bibliakwe [mäkwe ñäkä Isaías 41:13 yebätä]. Kukwe ketamä ngwarbe nieta abokän köböite nitre kwati ñaka nökrö Ngöbö ken ye mikata gare täräkwata nebätä.”

¡Despertad! Noviembre

“Nitre ñaka niena ja ngwen kwin ye tuin nitre kwati ie. ¿Nitre ñaka niena ja ngwen kwin ye tuin mäi arato? [Mäkwe tuanmetre blite.] Nitre töi jatai käme aune jatai ja ngwen bäri käme niebare Bibliabätä [mäkwe ñäkä 2 Timoteo 3:1-5 yebätä]. Kukwe kwin drieta Bibliakwe ye ererebätä nikwe ja ngwain ye köböire nikwe nünain bäri kwin mikata gare täräkwata nebätä.”