Kukwe driekäre

Sabado kena octubre yebätä ja tötika Bibliabätä driedre ño

“Kä nengwane, ni jökrä tä ja tuin kukwe tare ben aune ye tä ni ja mräkäre mike töbike krubäte. ¿Medente kukwe kwin raba kwen nie nünankäre kä jutobiti ni mräkätre yebe raba ruin mäi?” Mäkwe tuanmetre blite. Ye bitikäre, La Atalaya 1 octubre ye mäkwe drie ie bätä subtítulo tä página 16 bätä 17 yebätä mäkwe ja tötika keteiti ben, texto keteitibätä ñäkädre arato. Täräkwata driedre ie aune köbö ükadrete kukwe mada ngwantarita kädriekäre ben.

Ni Mikaka Mokre 1 Octubre

Täräkwata mikadre tuare aune ngwandretari: “¿Kukwe ngwarbe niebare mäi Ngöböbätä ye rabadre gare mäi angwane, ja rabadre ruin ño mäi? [Mäkwe tuanmetre blite.] Kukwe meden metre aune meden ngwarbe ye raba nemen gare ño nie ye Jesukwe mikani gare [mäkwe ñäkä Juan 17:17 yebätä]. Biblia ye aibe tä kukwe metre Ngöböbätä mike gare nie. Kukwe ketarike ngwarbe drieta Ngöböbätä, aune Biblia tä dre niere kukwe yebätä ye kädrieta täräkwata nebätä.”

¡Despertad! Octubre

“Nunta matare nete nitre ja mräkäre dimikakäre. Kä nengwane kukwe meden ben nitre rüne kätä ja tuin, ¿raba ruin mäi? [Mäkwe tuanmetre blite.] Nitre rüne kwati kätä kukwe känene Bibliabätä. Ñodre, kukwe ütiäte tä nete abokän kwin krubäte [mäkwe ñäkä Efesios 4:31 yebätä]. Monsotre kia tä kite nirien ye ngwane kukwe nieta Bibliabätä raba nitre rüne dimike ño ngübakäre ye mikata gare täräkwata nebätä.”