Mäkwe diri bäri kwin: ni kukwe driekä mäbe ye mäkwe dimika

Ñobätä ütiäte. Kukwe driedre ni madabe ye ütiäte nämene gare Jesús ie. Ye medenbätä nitre 70 ja tötikaka ben ye juani kwe ja käne nibu nibu kukwe driere jabe (Luc. 10:1). Ni kukwe driekä tä kukwe driere ye kräke ñaka rabadre nuäre kukwe driekäre o ni ie tä kukwe driere yei dre niedre kwe ye ñaka rabadre gare ie ye ngwane mä raba dimike (Ecl. 4:9, 10). Kukwe meden namanina barebätä ye raba kädriere ni kukwe driekä ben yebe o raba kukwe ruäre niere ie dimikakäre ne kwe rabadre kukwe driere bäri kwin (Prov. 27:17). Ne madakäre, mätä niken ju kwatire kwatire kokwäre ye ngwane mätä blite kwin ben ye raba dimike (Filip. 4:8).