Mäkwe diri bäri kwin: mäkwe ja töi mika nitre madabätä
Ñobätä ütiäte. Jesús töi nämene nitre madabätä. Bati ni ie ni kukwe ñaka ruin ye mikaninta räre kwe, aune ni ye nämene nikenkä namani tuin ie yebätä jänikani kaibe kwe nitre okwä bäre (Mar. 7:31-35). Nämene nitre ja tötikaka kwe ye mike tuin ütiäte jai aune ñaka nämene kukwe mike gare krubäte ietre ñobätä ñan aune nitre ye töi braibe nämene gare ie (Juan 16:12). Jesús tä kä kwinbiti akwa töita nibätä (2 Tim. 4:17). Ni kristiano tä ja di ngwen ja töi mike niara erere (1 Ped. 2:21; 1 Juan 3:16, 18). Nita kukwe driere ye ngwane kukwe kwin rabadre bare yekäre, nikwe nitre mikadre tuin ütiäte jai aune tätre nüne ño, dre tuin ütiäte ietre aune dreta töi nike yebätä nikwe ja töi mikadre. Ni ñaka tä niken jerekäbe känti kukwe mikakäre gare ietre o tärä o täräkwata mikatekäre ietre, ñakare aune ni töita bätätre yebätä nita niken känti rabai gare ietre angwane töi rabai bäri ni kukwe nuabätä.
Mäkwe kukwe ne nuain sö krati:
Kukwe meden raba nemen tuin ütiäte nitre ie ye ererebätä mäkwe blitadre bentre yekäre mä tädre ja tötike mä mräkätre ben ye ngwane, o mä tädre kukwe driere ye ngwane mäkwe ja kita nuainkäre.
Gätä nuaindre kukwe driekäre ye ngwane, nikwe ja töi mikadre ño ni madabätä ye nire tädre ji ngwen yekwe kädriedre, o kukwe bämikadre.