Mäkwe diri bäri kwin: mäkwe kukwe tika nitre tö kukwe mikai gare jai yebätä

“Mata nüne ño, yebtä makwe töbika kuin ja käne amne, kukwe diri makwe, yebtä makwe töbika kuin.” (1 Tim. 4:16, Kukwe Kuin Ngöbökwe.) Ngöbö kukweibiti apóstol Pablo mäträbare Timoteobätä ye tä mike gare nie, nita krire kukwe driere o kukwe drie niena gare nie akwa nikwe ja di ngwandre nuainne bäri kwin. Ye nuainkäre, Sribi Nikwe Ngöbökrä yebätä kukwe mrä mikai abokän kädrie täi jatäri kädekata “Mäkwe diri bäri kwin”. Nikwe diridre ño bäri kwin ye mikai gare kukwe ketare ketare yebätä, aune kukwe niedi ruäre nuaindre nie. Sö krati nikwe kukwe ye nuaindre nieta ni jökrä ie. Kukwe meden kwin namani nikwe ye nikwe mikai gare Gätä Sribi Ngöbökwe Nuainkäre yete sö krüte yebätä. Nikwe kukwe tikadre nitre tö kukwe mikai gare jai yebätä ye mikata gare nete.

Ñobätä ütiäte. Nikwe ñaka kukwe driedre jerekäbe: ñakare aune nitre tö kukwe mikai gare jai ye nikwe tuadrebitita aune nikwe kukwe metre ye driedre ietre, nikwe ye nuaindi angwane ni täi ñö metekä nura nökani nikwe yebiti (Mat. 28:19, 20; 1 Cor. 3:6-9). Yekäre, ni rikadreta nitre känti, kukwe meden tuin ütiäte ietre yebätä nikwe blitadre bentre aune drebätä nikwe blitabare käne bentre ye kädriekäre bäri bentre kukwe mada niedre ietre. Ye medenbätä nitre tö kukwe mikai gare jai kwandre nie yebätä nikwe kukwe tikadre.