Kukwe driekäre

Ni Mikaka Mokre 1 Febrero

“Nunta täräkwata ne bien nitre nünanka nere ye jökrä ie. Biblia ye raba ni dimike krubäte mikata gare kwe. Ne mä kräke. [Mäkwe täräkwata ¿Mätä Biblia ye mike tuin ño jai? ye bian ni yei.] Ñodre, ni kwatibätä kukwe tärä nemen bare sribikänti aune ni tädre bäri kwin sribikänti ie ni töta nemen. Aune, Biblia tä kukwe niere bersikulo nebätä ye erere ni töta nemen tuai nemen bare jabätä. [Mäkwe ñäkä Eclesiastés 3:13 yebätä.] Biblia tä kukwe keta kabre ütiäte mike gare abokän raba ni dimike sribi nikwe käi ngwen juto jabätä ye mikata gare täräkwata nebätä. ¿Mä törba ñäkäibätä?”

¡Despertad! Febrero

“Nunta nitre nünanka nere tuinbiti jötrö ngwarbe täräkwata ¡Despertad! mrä ye mikakäre tuadre ie. Kukwe ütiäte ngwantarita ye mikata gare kwe. [Mäkwe kukwe tärä kwatabätä ye mika tuare ni yei.] Biblia tä kukwe niere nebätä mä töita ño ye ti törba gai. [Mäkwe ñäkä Proverbios 29:11 yebätä.] ¿Kukwe nieta Bibliakwe ye raba ni dimike raba ruin mäi? [Mäkwe tuanmetre blite.] Kukwe ketabokä Bibliabätä ni jie ngwankäre kädrieta täräkwata nebätä aune nikwe kukwe ye erere nuaindre ye raba ni dimike ño ye tä mike gare.”

Mäkwe Ngöbö mika täte

Mäkwe página 2 bätä 3 ye mika tuare nitre ie, aune mäkwe ngwantari ie: “¿Mä törba nünain kä ne erere te? [Mäkwe tuanmetre blite.] Biblia [o, tärä deme ne] tä käbämike gwäune Ngöbökwe Kä tibien kwitai bä nuäre aune nitre mikai nüne jäme jabe, abokän känti nitre ñaka nünain bobre aune ñaka rabai bren. Nikwe dre nuaindre nünankäre yete ye mike ñärärä. [Mäkwe ñäkä kukwe tä tikani kuini página 3 yebätä, kukwe ye tä Isaías 55:3 mike gare.] Ni rabadre Ngöbö mike täte nieta nete. Akwa, ¿ño ni raba Ngöbö mike täte?”. Mäkwe página 4 aune 5 ye känä, biti kukwe ngwantarita ye mikata gare ño ye mäkwe kädrie ben. Kä ñaka krubäte ie angwane, mäkwe täräkwata ye mikate ie aune köbö ükate jai tuabitikäre aune kukweta täräkwatabätä ye kädriekäre ben.