Nikwe ja mikadre juto Jesús Ja Nire Biani Ngwainta Törö Jai ye kräke
Köbö 13 nisán kä 33 yete. Jesús murie keta jämi ye känenkri nämene mrä ja ükaninkrö deu nitre ja ketamuko bäri tare kwe yebe ye nämene gare ie. Pascua ye nuainbare mrä kwe bentre aune pascua ye täte Däkien Jesús Mrö Biani Deu ye ükaninte kwe. Köbö ye ütiäte krubäte aune jondron ruäre nuaindre, yebätä Pedro aune Juan juani kwe jondron ükete köbö ye kräke (Luc. 22:7-13). Yebätä ütiäte krubäte ni kristiano käkwe ja ükadrete kwin Jesús Ja Nire Biani Ngwanta Törö Jai ye kräke (Luc. 22:19). Köbö 3 abril yete Jesús Ja Nire Biani Ngwainta Törö Jai ye känenkri ni tädre juto yekäre nikwe dre nuaindre ye ani mike gare jai.
Ja mräkätre käkwe dre nuaindre:
Nikwe ja di ngwandre täräkwata döräire Jesús Ja Nire Biani Ngwainta Törö Jai ye kräke.
Nitre ja tötikaka Bibliabätä, ni mräkätre, monsotre nänkä kwelate nibe o nitre sribi muko nibe aune nitre mada gare nie ye nikwe kä tikadre täräbätä jai nübaikäre Jesús Ja Nire Biani Ngwainta Törö Jai ye kräke.
Texto Bibliabätä dianinkä ñäkäkäre Jesús Ja Nire Biani Ngwainta Törö Jai ye kräke yebätä nikwe ñäkädre aune töbikadretaribätä.
Jesús Ja Nire Biani Ngwainta Törö Jai ye näire nitre rükadre ye nikwe kadre ngäbiti kwin.