Mäkwe diri bäri kwin: nitre tä ñäke täräkwata Ni Mikaka Mokre yebätä ye mäkwe töi mika kukwe mike gare bäri jai
Ñobätä ütiäte. Nitre kwati tö nemen ñäkäi täräkwata Ni Mikaka Mokre yebätä akwa ñaka töta nemen ja tötikai Bibliabätä nibe, ñobätä ñan aune niena kukwebätä o kä ñaka ja tötikakäre ietre yebätä. Akwa, tätre ñäke käre täräkwatabätä, yebätä Kukwe Ngöbökwe ye raba kite tuin ütiäte ietre (1 Ped. 2:2). Kukwe ruäre täräkwata yebätä ye raba mate brukwäte, o kukwe mada bä jene raba nemen barebätä. Ni täi niken käre känti ye ngwane dre tuin kwin ietre aune kukwe meden tä töi nike ye jatai nemen gare nie, aune jatai blite bäri jäme nibe. Ja känenkäre, raba ja tötike Bibliabätä nibe.
Mäkwe kukwe ne nuain sö krati:
Nire nire kräke mä raba niken täräkwata Ni Mikaka Mokre ye ngwena sö kratire kratire ye mäkwe kä tika täräbätä jai. Mäkwe täräkwata Ni Mikaka Mokre mrä ye drie ie aune mä näinta mada mrä ngwena kräke mäkwe nie ie.