Estas palabras tienen que estar en tu corazón

Nitre rüne ye ni raba bämike ni oveja ngübaka ye kwrere. Ni oveja ngübaka tä oveja ngübare, ye erere ni rüne rabadre monsotre kwetre ye ngübare. Ruäre raba nete aune kukwe tare raba nemen barebätä (Prov. 27:23). ¿Ni obeja ngübaka kwin ye erere nitre rüne aune meyere raba ja ngwen ño? Mantre jetebe rabadre blite monsotre kwetre yebe ye ütiäte krubäte. Ye aibe köböire dreta töite aune brukwäte ye rabai gare ietre (Prov. 20:5). Rabadre kukwe kwin yebiti monsotre kwetre ye dimike ne kwe rabadre tödeke kwatibe arato (1 Cor. 3:10-15). Video Estas palabras tienen que estar en tu corazón ye tä mike gare, käre Ngöbö mikadre täte ni mräkäbe ye ütiäte krubäte. Munkwe video ye tua gwaire aune kukwe ngwantarita ne munkwe mika gare.

1) ¿Ñobätä ja mräkätre Román ye töi ñaka nämene kukwe ja üaire yebätä? 2) ¿Ja mräkä Tomás Román jababare ja tötike kena Bibliabätä mräkätre ben ye ngwane ñobätä ñaka namani bare kwin ie? 3) Biblia tä niere erere, ¿dre köböire monsotre ngüba raba kwin? (Deut. 6:6, 7.) 4) ¿Dre nuaindre blitakäre bäri kwin ni mräkä yebe? 5) ¿Nitre rüne aune meyere rabadre dre mike bäri ütiäte jai monsotre kwetre ngübakäre bäri kwin? 6) ¿Ja mräkätre Vargas käkwe ja mräkätre Román dimikani ño? (Prov. 27:17.) 7) ¿Ni rüne rabadre ja tötike ño ne kwe Ngöbö Mikadre Täte Ni Mräkäbe ye rabadre bare kwin ie? 8) ¿Ja mräkä Román käkwe dre nuainbare ne kwe mräkätre rabadreta nüne keteitibe jabe? 9) ¿Ñobätä Ngöbö mikadre täte ni mräkäbe ye nuaindre käre? (Efes. 6:4.) 10) Ngöbö mikadre täte ni mräkäbe ye nuainkäre kukwe meden meden nuain raba arato ye mä raba niere. 11) Tomás ngobo umbre kukwe kwin nuaindre ye ütiäte niebare kwe ie ye ngwane, ¿blitabare metre ta kwe ben, akwa nuainbare kwe töi jämebiti ye ñobätä namani kwin krubäte? (Jer. 17:9.) 12) ¿Tomás aune Mónica käkwe ngängän kwe dimikani ño töbike kwin ja käne Justin yebätä? (Mar. 12:30; 2 Tim. 2:22.) 13) ¿Tomás aune Mónica ja töi mikani nüne jondron braibebiti ye ngwane ñobätä tödekabare kwetre mä raba niere? (Mat. 6:33.) 14) ¿Video ye raba nitre ji dokwäre dimike ño mräkä kwetre ngübare ja üairebiti raba ruin mäi? (1 Tim. 5:8.) 15) ¿Nitre ji dokwäre rabadre ja töi mike kwatibe dre nuainne?

KUKWE NIETA NITRE RÜNE IE: Kukwe ye bämikaba gätä kri köbömä 2011 yete ye ngwane, ¿Ngöbö mikadre täte ni mräkäbe ye mäkwe nuaindre bäri kwin nükani gare mäi? Mäkwe video ye tuani ye bitikäre, ¿mäkwe kukwe mada nuaindre bäri kwin raba ruin mäi? Mäkwe ja di kärä Jehovai kukwe ruäre ükatekäre bäri kwin ne kwe mä mräkätre rabadrete nire (Efes. 5:15-17).