Mäkwe mä mräkätre dimika Jehová ye ngwen törö jai

Nitre judío Ngöbö Jehová ye käikwitaninkä jabiti yebätä gaite ye Jeremías juani mike gare ietre (Jer 13:25). ¿Ñobätä kukwe ja üairebiti juta ye ñaka namanina kwin? Nitre Israel ja mräkäre ye ñaka namanina ja mäke kwin Jehovabe yebätä. Ngöbökwe kukwe biani nuaindre Deuteronomio 6:5-7 yebätä ye nitre rüne aune meyere ñaka namanina mike täte.

Kä nengwane, nitre ja mräkäre tä dite kukwe ja üairebiti ye tä konkrekasion dimike krubäte. Ngöbö mikadre täte ni mräkäbe yebiti nitre rüne aune meyere raba mräkätre kwe ye dimike Jehová ngwen törö jai (Sl 22:27). Video Kukwe ne tädre mä brukwäte: Nitre ja mräkäre ben blitata ye tuadre ye bitikäre kukwe ngwantarita ne mikadre gare:

• ¿Nitre ja mräkäre ruäre ye dre nuainbarera Ngöbö mikakäre täte mräkätre kwe yebe kukweta nemen kisete ye ngwane?

• ¿Dre kwin namanina kwetre köbö aune ora ükaninte kwetre jai ja tötikakäre mräkätre yebe yebätä?

• ¿Kukwe medenbe tita ja tuin Jehová mikakäre töte ti mräkätre yebe aune tikwe dre nuaindi kukwe ye ükatekäre?