Kukwe ükaninte mrä blita kömikakäre

Sö enero 2016 yete ja käne, täräkwata Ni Mikaka Mokre ni jökrä kräke yebätä página mrä yekänti sección mikani kädekata “¿Biblia tä dre niere?”. Sección ye ükaninte blita kömikakäre. Täräkwata kia yebätä kukwe nieta ye erere bäsi tä mikani sección yekänti: kukwe ngwantarita töbikakäre, kukwe ye mikata gare texto keteitibiti aune kukwe ruäre nieta.

Nita blite nitre ben Bibliabätä aune tä nemen tuin kwin ietre ye ngwane, tätre kite ja tötike Bibliabätä. Nitre tö kukwe ja üaire mikai gare jai ye mäkwe dimika sección nebiti (Mt 5:6).

SECCIÓN NEBITI BLITADRE ÑO:

1. Ni gwi töita ño kukwe ngwantarita yebätä ye mäkwe niemana ie.

2. Mäkwe kukwe nua aune kukwe niedre kwe yebätä mäkwe kwin nie ie.

3. Kukwe kädekata “Biblia tä niere” yekänti texto mikani yebätä mäkwe ñäkä aune töita ño texto yebätä mäkwe ngwantari ie. Kä tärä ni yei angwane, kukwe kädekata “¿Biblia tä dre mada niere?” yekänti kukwe nieta ye mäkwe kädrie keteiti ben.

4. Mäkwe täräkwata drie ie.

5. Mäkwe köbö mikata ie kukwe ketebukäre ye kädriekäre ben.