Nitre nübaidre gätä kri regional yebätä

Kä kwatire kwatire gätä kri regional yete mrö ja üaire bianta nie ye käi nemen juto krubäte nibätä. Jehovata jondron kwin nuainne ni kräke ye ni tö tuai nemen ni madakwe arato yebätä nikwe ja töi mikai kwatibe nitre kwati nübaire (Sl 34:8). Täräkwata yebiti nitre nübaidre ño bäri kwin ye nitre umbre konkrekasion kwatire kwatire te käkwe ükaite.

KUKWE NE NGWANDRE TÖRÖ JAI

• ¿Ñongwane gätä kri ye nuaindi?

• ¿Täräkwata döräidi ye ñongwane kömikai konkrekasion tikwe yete?

• ¿Ñongwane gätä nuaindi kukwe driekäre?

• ¿Nitre nübaidi ye söibätä tikwe kukwe meden mikai nuaindre jai?

• ¿Tikwe nire nire nübaidi?

TÄRÄKWATA NITRE NÜBAIKÄRE YE DRIEDRE

Mäkwe köbö kwin nie, biti mäkwe nie:

“Kä jökräbiti tibien nunta nitre nübaire gätä ütiäte krubäte kräke. Köbö medente nuaindi, ora nuäi aune kä medenkänti ye tä tikani täräkwata nebätä. Nun törba mä tuai niken siba arato”.

NIKWE NITRE TÖI MIKADRE KUKWE MIKE GARE BÄRI JAI

Ni törba nitre kwati krubäte nübaidi gätä kri yebätä, akwa nire törbadre kukwe mikai gare bäri jai ye dimikadre metrere.

Bämän krüte yebätä, ni raba täräkwata Ni Mikaka Mokre ye driere täräkwata nitre nübaikäre yebe.