“¡Tita nete! Mäkwe ti juan”

Isaías ja töi mikani kwin ye erere nikwe ja töi mikadre arato. Nämene tödeke ye bämikani kwe aune kä ñaka gare kwin ie akwa ni ribe nämene yekänti biarebe nikani (Isa 6:8). ¿Mä aune mä mräkätre raba kukwe ükete jai Gobran Ngöbökwe kukwei driekäre ni ribeta bäri yekänti? (Sl 110:3). Ni jämi niken kä madakänti ye känenkri nikwe kukwe ükadrete kwin jai (Lu 14:27, 28). Akwa ni rabadre kukwe ñaka nuäre nuainne kukwe kwin ye driekäre ni madai (Mt 8:20; Mr 10:28-30). Video Nun rikaba nüne kä madakänti nitre dimikakäre yete dre namani bare mikata tuare ye erere, nita kukwe ñaka nuäre nuainne yebiti ta kukwe kwin ye tä nemen nikwe nita sribire Ngöbö kräke ye ngwane.

VIDEO TUADRE YE BITIKÄRE, KUKWE NGWANTARITA NE MIKADRE GARE:

• ¿Eteba Mark Williams aune mräkätre kwe käkwe kukwe meden ñaka nuäre nuainbare kukwe driekäre Ecuador?

• ¿Ja töi mikani kwetre niken kä madakänti ye ngwane dre drebätä töbikabare kwetre?

• ¿Dre dre kwin namani kwetre?

• ¿Ni ribeta bäri kukwe driekäre yebätä medente kukwe raba nemen gare bäri nie?

MUN JA MRÄKÄRE KÄKWE JA TÖTIKATA YE NGWANE, MUNKWE KUKWE NE KÄDRIE JABE:

• ¿Nun raba dre nuainne kukwe driekäre bäri? (km 8/11 pág. 4-6).

• Nun ñaka raba niken nüne kä madakänti ngwane, ¿ño nun raba konkrekasion nunkwe dimike? (w16.03 pág. 23-25).