Mäkwe ja kwita ni ribeta bäri kukwe driekäre yekänti

Nikwe ja käi mikadrete aune ni rikadre nüne kä madakänti kukwe driekäre yekäre tödeka nikwe tädre dite (Heb 11:8-10, TNM). Mätä kukwe ne den nuaindre jai ngwane, mä raba blite nitre umbre ji ngwanka konkrekasionte ben. Mäta sribi mike nuaindre jai ye kwin aune medente mä rikadre ye diankäre kwin jai, ¿mä raba dre nuainne? Täräkwata tä blite kukwe nebätä yebätä mäkwe kukwe mika gare jai aune ja mräkätre janamanena sribire kä madakänti aune namani bare kwin ie yebe mäkwe blita (Pr 15:22). Jehovakwe mä jie ngwandre ye mäkwe ribe ie (Snt 1:5). Kä medenkänti mä tö rikai yebätä mäkwe kukwe mika gare jai aune raba ngwane, mä jämi kukwe ye den nuaindre jai ye känenkri, kä ruäre te mä raba niken kä yekänti.

VIDEO TÖDEKA YEBITI NI RIKADRE JUKWE TÄ TIKANI KRI YETE SRIBIKÄRE BÄRI. MÄKWE JA KWITA NI RIBETA BÄRI KUKWE DRIEKÄRE YEKÄNTI YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Gabrielkwe ja tuani kukwe meden ben aune drekwe dimikani?