NITA JA NGWEN ÑO
Nikwe ja ngwandre kwin kukwe drieta ju ju te ye ngwane
Ni kristiano abokän “ni mikata [tuare] ni jökrä okwäbti” ye kwrere (1Co 4:9, Kukwe kuin Ngöbökwe). Ye medenbätä, ni gwi ye ruäre tädre ni mrusaire ventanante o ni kukwe nuin jukwe trökri yebätä ni töi ñan rabadre krütare. Cámara aune micrófono yebiti niaratre tä ni mrusaire, ni kukwe nuin aune ni kukwei grabare raba ruin nie. Kukwe ruäre ne nikwe ngwandre törö jai ja ngwankäre kwin kukwe drieta ju ju te ye ngwane (2Co 6:3).
NITA DRE NUAINNE (Flp 1:27)
Nikwe ju nitre madakwe mikadre tuin ütiäte jai aune nikwe ñaka nikradre kä teri. Ni tädre jukwebätä ngwane, nikwe ñaka mrödre, jondron ñadre, blitadre teléfonobiti aune kukwe juandre.
NITA BLITE DREBÄTÄ (Ef 4:29)
Nita ni gwi ngübare jukwebätä ngwane, kukwe meden ni ñaka tö ni gwi tuai kukwe nuin ye nikwe ñaka niedre. Nitre kukwe driekä ye ruäre ñaka tä blite jankunu ni nänkä ben yebe töbikakäre kwin dre niei kwetre yebätä.