Mäkwe diri bäri kwin: Nitre ie kä ñaka tuin yei kukwe driedre

ÑOBÄTÄ ÜTIÄTE: Nitre ie kä ñaka tuin yei ja ñaka tä nemen ruin kwin blitakäre ni ñaka gare ietre yebe. Aisete, ni raba nemen ño känti ye mikadre gare jai ne kwe nikwe kukwe driedre ietre. Nitre ye tare Jehovakwe aune töita bätätre (Le 19:14). Nikwe ja töi mikadre Jehová erere aune nikwe niaratre dimikadre ne kwe Ngöbö rabadre gare ietre.

NUAINDRE ÑO:

• Nitre ye känändre (Mt 10:11). ¿Nitre ruäre mräkä ie kä ñaka tuin ye gare mäi? ¿Mätä yekänti, kwela o kukwe mada tärä ükaninte abokän tö raba tärä nitre ie kä ñaka tuin kräke?

• Ni töita niaratre yebätä ye bämikadre ietre. Mä töi jäme aune mä töita niaratrebätä ye mäkwe bämikai ngwane, ja raba nemen ruin kwin ni yei. Nitre kä yekänti töta nemen kukwe meden kädriei krubäte yebätä mäkwe blita ben.

• Mäkwe niaratre dimika Jehová mike gare jai. Nitre ie kä ñaka tuin ye kräke juta Ngöbökwe käkwe tärä aune täräkwata jene jene sribebare. Nire ie kä ñaka tuin ye tö ja kitai täräkwata ñobätä, ye ngwandretari ie. Nire ie kä ñaka tuin ye tö täräkwata ño ie ye ni tärä aune täräkwata ribekä konkrekasion kräke käkwe käräbare ye ni superintendente de servicio käkwe mikadre gare kwin jai.