Mäkwe Diri Bäri Kwin: Kukwe driedre cámara o interfono tä mikani jukwebätä yete ta

ÑOBÄTÄ ÜTIÄTE: Nitre kite ja ngwen bäri käme kä nengwane, yebätä nitre kwati tä cámara o interfono ye mike ja juete. Ruäre kä jürä raba nemen nibätä ñobätä ñan aune nire ie nita kukwe driere ye ñaka tuin nie akwa ni ye abokän ie ni tuin. Kukwe mikata gare jatäri ne raba ni dimike kukwe driere cámara o interfono yete ta töi jämebiti.

NUAINDRE ÑO:

• Ja töi mikadre kwin. Nitre kwati kwe cámara o interfono tärä ye tä juto biare blitakäre nibe

• Mä jämi nemen cámara ye ken aune kise nite timbre jukwebätä yete ye känenkri ni gwi ye raba mä gain, mä kukwe nuin o cámara ye tärä nemen grabare ye mäkwe ngwan törö jai

• Ni ruäre käkwe mä kukwe kadre ngäbiti ngwane, tä mä ngwärekri ye kwrere mäkwe blita ben. Mäkwe kämika kötare ja ngwärebätä, mätä nuainne käre ye erere. Ni gwi käkwe jukwe tikadre ngwane mäkwe dre niedre ie, ye erere mäkwe nie ie jondron yete ta. Cámara tärä ngwane, ñaka kröta ken krubäte. Ni gwi ñaka mä kukwe kadre ngäbiti ngwane mä ñaka kukwe mikate kräke

• Mäkwe blitadrera ünä akwa, ni gwi raba mä mike ñärärä aune mä kukwe nuin jankunu, ye mäkwe ngwan törö jai