Kä krüte kitera nüke ja ken ye kräke ni tädre juto biare

Kä krüte kitera nüke ja ken yebätä nikwe ja tuai kukwe bäri kri ben ye gare metre nie (2Ti 3:1; Mt 24:8). Bä kabre, juta Jehovakwe tä kukwe niere mikakäre täte ne kwe ni rabadrete nire kukwe tare tä nemen bare ye näire. Nikwe kukwe ye mikai täte aune nikwe ja ükaite gwä ngwane kukwe ja ngätärebiti aune ja üairebiti ngwane, ni raba nemen nire kukwe tare raba nemen bare ye näire (Lu 16:10).

• Kukwe ja üairebiti ja ükadrete. Käre mäkwe ñäkä Bibliabätä aune ja tötika kaibe. Kukwe keta kabre ükateta kukwe driekäre ye ererebiti mäkwe ja di ngwan nuainne. Kä ruäre te mä ñaka raba nemen keteitibe ja mräkätre ben yebätä mäkwe ñan ja töibika krubäte (Is 30:15). Jehová aune Jesús täi mäbe ye mäkwe ngwan törö käre jai (od-S 175, 176 párr. 15-17).

• Kukwe ja ngätärebiti ja ükadrete. Mochila ye ñan aibe ükadrete jai kukwe tare kräke, ñakare aune ju kwatire kwatire yete mrö, ñö, kräkä aune jondron mada mada ükadrekrö debe näre jai, nane nitre ja mräkäre rabadre gwi kä raire te yebätä (Pr 22:3; g17.5-S 4, 6).

VIDEO NI RABA JA MIKE ÑO JUTO KUKWE TARE TÄ NAKAINKÄ YE NGÄBITI YE MÄKWE TUA, BITI KUKWE NGWANTARITA NE MÄKWE MIKA GARE:

• 

  ¿Kukwe tare ye kräke ni raba ja ükete ño kukwe ja üairebiti?

• 

  Blita tädre käre nitre umbre ji ngwanka ben, ¿ye ñobätä ütiäte?

  • Jondron ruäre tädre juto biare nikwe kukwe tare rakadrekä ye kräke, ¿ye ñobätä ütiäte?

  • Kukwe tare ruäre meden raba nemen bare aune dre nuain raba ye näire yebätä blitadre, ¿ye ñobätä ütiäte?

• 

  ¿Kukwe ketamä medenbiti ni raba ni mada dimike?

KUKWE NE NGWENTARI JAI: “¿Kukwe tä nemen bare bren COVID-19 köböite ye tä ti dimike ño ja töi mike ja ükete kwin kukwe tare ye kräke?