Nitre gedai jabätä ngwane, ¿mäkwe dre nuaindi niena gare mäi?

Kä krüte jatadi nökrö bäri ja ken, ye medenbätä nitre jatai kukwe gainkä bäri ñaka nünankäre jäme jabe, nitre político jatadi kukwe gainkä jabätä aune rü rabai nakainkä bäri (Ap 6:4). ¿Ni raba dre nuainne rabakäre juto biare ja tuakäre kukwe yebe?

• Mäkwe ja mika juto kukwe ja üairebiti. Kukwe ja jie ngwankäre, kukwe ruäre namani bare kira mikata gare Bibliabätä yebätä mäkwe töbika, tö ngwankäre bäri Jehovai aune juta kwe ye ie, ne kwe mä ñaka tö rabadre ja mikai nitre kä nebätä tä kukwe nuainne yete (Pr 12:5; jr-S 125, 126 párrs. 23, 24). Gwä ngwane ni rabadre ja kete bäri ja mräkätre konkrekasionte ben (1Pe 4:7, 8).

• Mäkwe dre dre ribedi jai ye mäkwe ükate biare jai. Mäkwe mrö ükakrö debe näre jai aune nane mä rabadre ja üke gwi ye kräke mäkwe kukwe ükate kwin jai. Ne madakäre, mä gitiadre medenkwäre ye mäkwe ükate kwin jai arato. Mochila de emergencia yete dreta mikani ye mäkwe tuate aune ngwian bätä dre ribeta mäkwe jai ja kriemikakäre ye mäkwe mika te (mascarilla, guante aune jondron mada). Ne madakäre, número nitre umbre ji ngwanka yekwe ye tädre kä mrebiti mäkwe aune número mäkwe ye tädre kwetre ye mäkwe mika gare kwin jai (Is 32:2; g17.5-S 3-7).

Nitre tä ngedain jabätä ngwane. Mäkwe sribi ja üaire nuain jankunu (Flp 1:10). Mä ñaka rika krubäte kwäräkwärä, mätä ribere jai ye aibe ngwane mä raba näin (Mt 10:16). Dre dre tä mäkwe ye mäkwe bian chi ni madai (Ro 12:13).

VIDEO ¿MÄ NIENA JUTO BIARE KUKWE RAKADREKÄ JÖTRÖ NGWARBE YE KRÄKE? YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Kukwe tare näire Jehová raba ni dimike ño?

• ¿Ni raba dre nuainne ja mikakäre juto?

• ¿Ni raba ni mada dimike ño?