NITA JA NGWEN ÑO
¿Jondron ütiä rabai kabre krubäte ye ben mäta juto ja tuakäre?
¿Jondron tä bäri kabre kä jökräbiti tibien ye ñobätä ñan ni töi mike niä? Ñobätä ñan aune nita nüne kä krüte te aune Biblia tä kukwe ne mike gare: “Ñan ngwian kabre yebiti tödekadre” (1Ti 6:17; 2Ti 3:1). ¿Rei Jehosafat kukwe kwin bämikani ye raba ni dimike ño ja tuakäre jondron ütiä bäri kabre yebe?
Jehosafat rüe nikani rüre ben ngwane tödekabare kwe Jehová ie (2Cr 20:9-12). Ne madakäre, kukwe ükaninte kwe juta ye mikakäre dite: aune nitre rükä ükaninte kwin kwe (2Cr 17:1, 2, 12, 13). Kukwe tare jämi nüke ye känenkri nikwe tö ngwandre Jehovai aune kukwe ruäre ükadrete jai ye rabadre bäri kwin.
VIDEO ¿MÄ NIENA JUTO BIARE KUKWE RAKADREKÄ JÖTRÖ NGWARBE YE KRÄKE? YE MÄKWE TUA, BITI KUKWE NGWANTARITA NE MÄKWE MIKA GARE:
¿Mä raba ja mike ño juto ja tuakäre kukwe tare rabai bare yebe?
¿Mä raba ja mike ño juto nitre mada dimikakäre?